ຕາມແຈ້ງການຂອງກະຊວງການຕ່າງປະເທດ ອີຣານ ແລ້ວ, ມີກວ່າ 100 ປະເທດ ໄດ້ແຕ່ງຕັ້ງຜູ້ຕາງໜ້າເດີນທາງໄປຍັງ ອີຣານ ເພື່ອເຂົ້າຮ່ວມພິທີງານສົບ ສາດສະດາ (ຜູ້ນຳທາງສາສະໜາ) Ali Khamenei. ທ່ານ Esmaeil Baqaei ໂຄສົກກະຊວງການຕ່າງປະເທດ ອີຣານ ໃຫ້ຮູ້ວ່າ ໃນຈຳນວນບັນດາຜູ້ແທນຈາກກວ່າ 100 ປະເທດ ທີ່ເຂົ້າຮ່ວມພິທີງານສົບນັ້ນ ມີປະມຸກລັດ, ຜູ້ນຳໜ້າລັດຖະບານ, ປະທານສະພາແຫ່ງຊາດ ແລະ ບັນດາເຈົ້າໜ້າທີ່ຂັ້ນສູງຂອງຫຼາຍປະເທດ. ເຖິງຢ່າງໃດກໍຕາມ, ຝ່າຍ ອີຣານ ຍັງບໍ່ທັນໄດ້ເຜີຍບັນຊີລາຍຊື່ຜູ້ແທນທີ່ຈະເດີນທາງໄປຍັງ ອີຣານ ເທື່ອ.
ໃນຂະນະນັ້ນ, ສື່ມວນຊົນພາກພື້ນ ໄດ້ໃຫ້ຂ່າວວ່າ ທ່ານ Shebaz Sharif ນາຍົກລັດຖະມົນຕີ ປາກິດສະຖານ; ທ່ານ Dmitry Medvedev ຮອງປະທານສະພາຄວາມໝັ້ນຄົງ ລັດເຊຍ, ປະທານພັກປະເທດ ລັດເຊຍ ເອກະພາບ, ພ້ອມດ້ວຍຜູ້ແທນຂັ້ນສູງຈາກຫຼາຍປະເທດຄື: ຈີນ, ອິນເດຍ, ຕວັກກີ... ຄາດວ່າ ຈະເດີນທາງໄປຍັງ ອີຣານ ເພື່ອເຂົ້າຮ່ວມພິທີງານສົບຂອງ ສາດສະດາ Ali Khamenei.
ອີຣານ ແຈ້ງໃຫ້ຊາບວ່າ ງານສົບຂອງ ສາດສະດາ ຈະໄດ້ດຳເນີນແຕ່ວັນທີ 4 ຫາວັນທີ 9 ກໍລະກົດ, ດ້ວຍການຈັດຫຼາຍພິທີກຳ ແລະ ຢູ່ຫຼາຍສະຖານທີ່ທີ່ແຕກຕ່າງກັນ.
ນັກຂ່າວ VOV ປະຈຳ ອີຢິບ
