ພຽງແຕ່ໃນ 3 ວັນທຳອິດດຳເນີນວັນບຸນວິຫານຮຸ່ງ ແລະ ສັບປະດາວັດທະນະທຳ - ການທ່ອງທ່ຽວດິນແດນແຫ່ງບັນພະບຸລຸດ ປີ 2026, ມີປະຊາຊົນກ່ວາ 60.000 ຄົນໄດ້ກັບເມືອແຂວງ ຝຸເທາະຖະຫວາຍທູບທຽບ ອາໄລຫາບັນດາເຈົ້າຊີວິດຮຸ່ງ ແລະ ເຂົ້າຮ່ວມບັນດາການເຄື່ອນໄຫວວັດທະນະທຳ, ສະແດງສິລະປະທີ່ພົ້ນເດັ່ນ. ປີນີ້, ວັນບຸນວິຫານຮຸ່ງ ແລະ ສັບປະດາວັດທະນະທຳ - ການທ່ອງທ່ຽວເຂດດິນແດນແຫ່ງບັນພະບຸລຸດ ປີ 2026 ໄດ້ຈັດຂຶ້ນດ້ວຍຂອບຂະໜາດໃຫຍ່, ໃນສະຖານທີ່ພັດທະນາໃໝ່ ກ່ຽວກັບພູມີສາດ, ວັດທະນະທຳ ແລະ ຄວາມສາມາດບົ່ມຊ້ອນພາຍຫຼັງ ໂຮມ 3 ແຂວງຝຸເທາະ, ວິງຝຸກ ແລະ ຮວ່າບິ່ງເຂົ້າກັນ. ຈຸດພົ້ນເດັ່ນຂອງວັນບຸນປີນີ້ແມ່ນ ພິທີໄຂດ້ວຍຫວົຂໍ້ “ກົກເຄົ້າເຫງົ້າກໍ່ອັນສັກສິດ - ດິນແດນ ແຫ່ງບັນພະບຸລຸດ ເຈົ້າຊີວິດຮຸ່ງ” ລວມມີຫຼາຍລາຍການສະແດງສິລະປະພົ້ນເດັ່ນ, ບໍ່ພຽງແຕ່ເຊີດຊູ, ຮັກສາ ແລະ ເສີມຂະຫຍາຍບັນດາຄຸນຄ່າປະຫວັດສາດ, ວັດທະນະທຳພົ້ນເດັ່ນຂອງຊາດເທົ່ານັ້ນ ຫາກຍັງຫຼັກສະແດງສິນທຳ ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ, ສະແດງຄວາມຮູ້ບຸນຄຸນຂອງບັນພະບຸລຸດອີກດ້ວຍ.
