ໃນຂອບເຂດການຢ້ຽມຢາມ ມຽນມາ ແຕ່ວັນທີ 28 ຕຸລາ ຫາວັນທີ 30 ຕຸລາ, ທ່ານນາງ Maria Theresa Lazaro ລັດຖະມົນຕີກະຊວງການຕ່າງປະເທດ ຟີລິບປິນ ທູດພິເສດປະທານ ອາຊຽນ ຮັບຜິດຊອບກ່ຽວກັບ ມຽນມາ ໄດ້ພົບປະເຈລະຈາກັບທ່ານ U Tin Maung Swe ລັດຖະມົນຕີກະຊວງການຕ່າງປະເທດ ມຽນມາ, ປຶກສາຫາລືຫຼາຍເນື້ອໃນສຳຄັນເພື່ອແນໃສ່ປະກອບສ່ວນຊອກຫາມາດຕະການແກ້ໄຂສຳລັບວິກິດການຢູ່ປະເທດນີ້. ທີ່ການພົບປະເຈລະຈາທີ່ໄດ້ດຳເນີນຢູ່ນະຄອນຫຼວງ Naypyidaw ໃນວັນທີ 29 ຕຸລາ, ທ່ານ U Tin Maung Swe ແລະ ທ່ານນາງ Maria Theresa Lazaro ໄດ້ດຳເນີນບັນດາການປຶກສາຫາລືຢ່າງແທ້ຈິງກ່ຽວກັບບັນດາມາດຕະການເພື່ອແນໃສ່ຟື້ນຟູບົດບາດ ແລະ ສິດຂອງ ມຽນມາ ໃນການເຂົ້າຮ່ວມການຮ່ວມມື ອາຊຽນ.
