ຕອນ​ເຊົ້າ​ວັນ​ທີ 28 ມິ​ຖຸ​ນາ, ກອງ​ທັບ ຢູ​ແກຼນ ໃຫ້​ຮູ້​ວ່າ: ນະ​ຄອນຫຼວງ ກີ​ແອບ ຂອງປະ​ເທດນີ້ ພວມ​​ຖືກ​ບັ້ນ​ບຸກ​ໂຈມ​ຕີ​ດ້ວຍ​ລູກ​ສອນ​ໄຟ​ນຳ​ວິ​ຖີ. ໃນ​ສື່​ສັງ​ຄົມ​ອອນ​ລາຍ Telegram, ທ່ານ Vitali Klitschko ເຈົ້າ​ຄອງ​ນະ​ຄອນ ກີ​ແອບ ໃຫ້​ຮູ້​ວ່າ:​ ບັນ​ດາ​ກຳ​ລັງ​ປ້ອງ​ກັນ​ອາ​ກາດ ຢູ​ແກຼນ ໄດ້​ຕີ​ສະ​ກັ​ດ​ເປົ້າ​ໝາຍ​ໃນ​ເຂດ​ນ່ານ​ຟ້າ​ຂອງ​ນະ​ຄອນຫຼວງ ພ້ອມ​ທັງ​ກ່າວ​ເຕືອນວ່າ ປ​ຊ​ຊ ບໍ່​ໄດ້​ອອກ​ຈາກ​ບ່ອນ​ລີ້​ຊ້ອນ. ກ່ອນ​ໜ້ານນັ້ນ 1 ວັນ, ແຂວງ Dnipropetrovsk ແລະ Sumy ຂອງ ຢູ​ແກຼນ ກໍ່​​ຖືກ​ບັນ​ດາບັ້ນ​ບຸກ​ໂຈມ​ຕີ​ທາງ​ອາ​ກາດ ແລະ ມີ​ຜູ້​ເສຍ​ຊີ​ວິດ 2 ຄົນ. ການ​ບຸກ​ໂຈມ​ຕີ​ຕ່າງໆ​ຖືກ​ປະ​ຕິ​ບັດ ​ພາຍຫຼັງ​ນະ​ຄອນ​ຈຳ​ນວນ​ໜຶ່ງ​ຂອງ ລັດ​ເຊຍ ໃນ​ນັ້ນ​ມີ​ນະ​ຄອນ Volgograd ແລະ Belgorod ຖືກ​ບຸກ​ໂຈມ​ຕີ. ຕາມ​ບັນ​ດາ​ເຈົ້າ​ໜ້າ​ທີ່ ລັດ​ເຊຍ, 3 ຄົນ​ຖືກ​ເສຍ​ຊີ​ວິດ​ໃນ​ເຫດບຸກ​ໂຈມ​ຕີ​ດັ່ງ​ກ່າວ.