ນາຍົກລັດຖະມົນຕີອັງກິດປາດຖະໜາພົນລະເມືອງອີຢູສືບຕໍ່ອາໄສຢູ່ອັງກິດພາຍຫຼັງ Brexit

ກ່າວຄຳເຫັນຕໍ່ໜ້າສະພາແຫ່ງຊາດອັງກິດ ກ່ຽວກັບບັນຫາພົນລະເມືອງອີຢູ ພວມດຳລົງຊີວິດຢູ່ອັງກິດ, ທ່ານນາງ Theresa May ຊີ້ແຈ້ງວ່າ: ບໍ່ມີພົນລະເມືອງອີຢູ ບໍ່ວ່າຜູ້ໃດພວມດຳລົງຊີວິດຖືກຕາມກົດໝາຍຢູ່ອັງກິດ ຖືກຮຽກຮ້ອງອອກຈາກອັງກິດ ໃນຈຸດເວລາອັງກິດ ຖອນອອກຈາກອີຢູ. ພວກຂ້າພະເຈົ້າຢາກໃຫ້ເຂົາເຈົ້າສືບຕໍ່ດຳລົງຊີວິດຢູ່ອັງກິດ. ຕາມແຜນການ, ທ່ານນາງ Theresa May ຈະສະເໜີບັນດາຫຼັກການພື້ນຖານຂອງແຜນການກ່ຽວຂ້ອງເຖິງພົນລະເມືອງອີຢູ ອາໄສຢູ່ອັງກິດ ຕໍ່ບັນດາການນຳເອີລົບ ທີ່ກອງປະຊຸມສຸດຍອດເຊິ່ງຄາດວ່າຈະດຳເນີນຢູ່ ບຣຸກແຊນ ໃນທ້າຍອາທິດນີ້.