 (ພາບປະກອບ: sggp.org.vn) |
ກ່າວຄຳເຫັນນະທີ່ນີ້, ທ່ານນາງເອກອັກຄະລັດຖະທູດຫວຽດນາມ ປະຈຳໂຮນລັງ ໂງທິຮວ່າ ໄດ້ແລກປ່ຽນກັບ ທ່ານຮອງປະທານນະຄອນໂຮ່ຈີມິນ ເລແທງລຽມ ກ່ຽວກັບສະພາບພັດທະນາການພົວພັນ ຫວຽດນາມ-ໂຮນລັງ. ທ່ານ ນາງ ເອກອັກຄະລັດຖະທູດ ເນັ້ນໜັກວ່າ ບັນດາວິສາຫະກິດໂຮນລັງ ໄດ້ມີຫຼາຍໂຄງການຮ່ວມມື ແລະ ລົງທຶນ ຢູ່ນະຄອນໂຮ່ຈີມິນ ແລະ ປາຖະໜາຢາກໄດ້ແຊກຊຶມເຂົ້າກັບຕະຫຼາດທ້ອງຖິ່ນຫຼາຍກວ່າອີກ.
ສ່ວນທ່ານຮອງປະທານນະຄອນໂຮ່ຈີມິນ ເລແທງລຽມ ໃຫ້ຮູ້ວ່າ ໃນລາຍການເຮັດວຽກ, ຄະນະໄດ້ມີການເຮັດວຽກກັບ ກະຊວງການຕ່າງປະເທດ, ກະຊວງເສດຖະກິດ ຂອງໂຮນລັງ. ນະທີ່ນີ້ຄະນະໄດ້ແລກປ່ຽນບົດຮຽນກັບຝ່າຍໂຮນລັງ ເພື່ອຕອບສະໜອງຄວາມຮຽກຮ້ອງຕ້ອງການພັດທະນາຂອງ ນະຄອນໂຮ່ຈີມິນ ກ່ຽວກັບນະຄອນສະຫຼາດ, ຄຸ້ມຄອງຕົວເມືອງ, ຕ້ານການປ່ຽນແປງຂອງດິນຟ້າອາກາດ ແລະ ນຳ້ຖ້ວມ, ກະສິກຳໃນຕົວເມືອງ ແລະ ເສດຖະກິດທາງທະເລ. ປະຈຸບັນ ໂຮນລັງ ແມ່ນນັກລົງທຶນໃຫຍ່ອັນດັບທີ 8 ຢູ່ນະຄອນໂຮ່ຈີມິນ.
