ເວທີປາໄສເສດຖະກິດລະດູໃບໄມ້ຫຼົ່ນ 2026 – “ການເຕົ້າໂຮມຂອງບັນດາທ່າເຕີບໂຕໃໝ່ທົ່ວໂລກ” ດ້ວຍຫົວຂໍ້ “ຈິດໃຈຮ່ວມມືໃນສັງກາດໃໝ່” ຈະດຳເນີນຢ່າງເປັນທາງການແຕ່ວັນທີ 26 – 29 ຕຸລາ, ຢູ່ນະຄອນໂຮ່ຈີມິນ. ເຫດການມຸ່ງໄປເຖິງການເຊື່ອມຕໍ່ບັນດາແຫຼ່ງກຳລັງ, ຊຸກຍູ້ການຮ່ວມມື ແລະ ຊອກຫາບັນດາກຳລັງຜັກດັນເຕີບໂຕໃໝ່ໃນສະພາບການເສດຖະກິດທົ່ວໂລກພວມມີການປ່ຽນແປງຫຼາຍຢ່າງ.
ກ່ອນດຳເນີນເວທີປາໄສ, ວຽກງານຖະແຫຼງຂ່າວການຕ່າງປະເທດ, ໂຄສະນາໃຫ້ແກ່ເຫດການໄດ້ ແລະ ພວມຜັນຂະຫຍາຍຢ່າງເລິກເຊິ່ງໃນຫຼາຍພາຫະນະສື່ມວນຊົນທັງຢູ່ພາຍໃນປະເທດ ແລະ ສາກົນ, ສ້າງກຳລັງແຜ່ກະຈາຍຢ່າງແຮງ. ບັນດາການເຄື່ອນໄຫວບໍ່ພຽງແຕ່ສະໜອງຂໍ້ມູນກ່ຽວກັບເວທີປາໄສ ເທົ່ານັ້ນ ຫາກຍັງແນະນຳທ່າແຮງບົ່ມຊ້ອນ, ບົດບາດເຊື່ອມຕໍ່ຂອງນະຄອນໂຮ່ຈີມິນ ໃນສະພາບການເສດຖະກິດທົ່ວໂລກພວມສ້າງບັນດາທ່າເຕີບໂຕໃໝ່.
ກໍ່ໃນໂອກາດນີ້, ພະແນກລາຍການກະຈາຍສຽງພາກພາສາຕ່າງປະເທດ ຂອງວິທະຍຸກະຈາຍສຽງ ຫວຽດນາມ ກໍ່ໄດ້ລົງຂ່າວ, ບົດຂຽນກ່ຽວກັບເວທີປາໄສດ້ວຍພາສາ ຫວຽດ ແລະ 12 ພາສາອື່ນ ເພື່ອແນໃສ່ລົງຂ່າວໄປຍັງປະຊາຄົມຊາວຫວຽດນາມ ອາໄສຢູ່ຕ່າງປະເທດ ແລະ ເພື່ອນມິດສາກົນ ຢູ່ກວ່າ 70 ປະເທດ ແລະ ເຂດແຄ້ວນ.
