ກອງປະຊຸມບັນດາການນຳລັດຖະສະພາຂອງ ອົງການສົນທິສັນຍາ ອັດລັງຕິກເໜືອ (NATO) ໄດ້ໄຂຂຶ້ນໃນວັນທີ 29 ມິຖຸນາ, ຢູ່ນະຄອນ Istanbul (ຕວັກກີ), ດ້ວຍຈຸດສຸມແມ່ນເພີ່ມທະວີການລົງທຶນເຂົ້າການປ້ອງກັນຊາດ ກ່ອນທີ່ກອງປະຊຸມສຸດຍອດ NATO ຄາດວ່າຈະດຳເນີນຢູ່ Ankara ໃນວັນທີ 7 – 8 ກໍລະກົດ.
ກ່າວຄຳເຫັນໄຂກອງປະຊຸມ, ທ່ານ Marcos Perestrello ປະທານສະພາລັດຖະສະພາ ຮຽກຮ້ອງໃຫ້ບັນດາປະເທດສະມາຊິກປະຕິບັດຕາມຍຸດທະສາດລົງທຶນແບບ “ອັດສະລິຍະກວ່າ, ໄວກວ່າ ແລະ ມີການປະສານສົມທົບ”, ພ້ອມທັງຖືວ່າ ການກໍ່ສ້າງ NATO ໃຫ້ໝັ້ນຄົງເຂັ້ມແຂງ ບໍ່ພຽງແຕ່ອີງໃສ່ການເພີ່ມລາຍຈ່າຍດ້ານປ້ອງກັນຊາດເທົ່ານັ້ນ. ທ່ານ Radmila Shekerinska ຮອງເລຂາທິການໃຫຍ່ NATO ຫວັງວ່າບັນດາສຳພັນທະມິດຈະນຳບັນດາແຜນການລະອຽດມຍັງາ ກອງປະຊຸມ ເພື່ອແນໃສ່ບັນລຸເປົ້າໝາຍລາຍຈ່າຍດ້ານປ້ອງກັນຊາດເທົ່າ ກັບ5% ຍອດຜະລິດຕະພັນພາຍໃນ (GDP) ໃນປີ 2035.
ກໍ່ຢູ່ທີ່ກອງປະຊຸມ, ທ່ານ Recep Tayyip Erdogan ປະທານາທິບໍດີ ຕວັກກີ ກໍ່ຮຽກຮ້ອງນຳປະເທດນີ້ເຂົ້າຮ່ວມບັນດາກົນໄກປ້ອງກັນຊາດ ແລະ ປ້ອງກັນຄວາມສະຫງົບຂອງເອີລົບ ຢ່າງຄົບຖ້ວນ ກ່ອນທີ່ດຳເນີນກອງປະຊຸມສຸດຍອດ NATO.
