ຕອນເຊົ້າວັນທີ 10 ສິງຫາ, ຢູ່ເຂດສຸສານນັກຮົບເສຍສະຫຼະຊີວິດເພື່ອຊາດຕາແສງ ບິ່ງລື (ແຂວງລາຍເຈົາ) ໄດ້ຈັດພິທີໄຫວ້ອາໄລ ແລະ ປົ່ງ ອັດຖິນັກຮົບ47ຊຸດ ເສຍສະຫຼະຊີວິດເພື່ອຊາດ ປີ 1951. ເຂົາຮ່ວມພິທີມີທ່ານນາງ ຫງວຽນທິຮົ່ງ ຮອງປະທານສະພາແຫ່ງຊາດ ຫວຽດນາມ. ໃນບັນຍາກາດທີ່ເຄັ່ງຂຶມ, ບັນດາຜູ້ແທນໄດ້ຖະຫວາຍດອກໄມ້, ຈຸດທູບ ທຽນດ້ວຍຄວາມເຄົາລົບນັບຖືຢູ່ອະນຸສາວະລີ, ສະຫງວນໜຶ່ງນາທີກົ້ມຫົວສະແດງຄວາມຮູ້ບຸນຄຸນຢ່າງເລິກເຊິ່ງ ຕໍ່ບັນດາການອຸທິດສ່ວນ, ການເສຍສະຫຼະອັນຍິ່ງໃຫຍ່ຂອງບັນດານັກຮົບເພື່ອພາລະກິດແຫ່ງການຕໍ່ສູ້ປົດປ່ອຍຊາດ. ພາຍຫຼັງພິທີໄຫວ້ອາໄລ, ບັນດາຜູ້ແທນໄດ້ດຳເນີນການຈຸດທູບໃຕ້ທຽນຢູ່ສຸສານນັກຮົບເສຍສະຫຼະຊີວິດເພື່ດຊາດ ແລະ ປະຕິບັດພິທີກຳປົ່ງອັດຖິນັກຮົບເສຍສະຫຼະຊີວິດເພື່ອຊາດ. ຢູ່ທີ່ນີ້. ຖັດຈາກນັ້ນ, ທ່ານນາງຫງວຽນທິຮົ່ງພ້ອມກັບຄະນະປະຕິບັດງານສູນກາງ, ການນຳແຂວງລາຍເຈົ້າໄດ້ລົງຢື້ຢາມຖາມຂ່າວ, ລະດົມກຳລັງໃຈບັນດາຄອບຄົວເປົ້າໝາຍນະໂຍບາຍ; ມອບຂອງຂວັນ 50 ພູດໃຫ້ແກ່ບັນດາຄອບຄົວເປົ້າໝາຍນະໂຍບາຍທີ່ທຸກຍາກ, ຜູ້ມີຄຸນງາມຄວາມດີຕໍ່ການປະຕິວັດ, ຜູ້ປະສົບເຄາະຮ້າຍຈາກກັບທາດພິດສີສົ້ມ, ຄອບຄົວປະສົບກັບຄວາມຫຍຸ້ງຍາກເປັນພິເສດ ຂອງຕາແສງບິ່ງລື.
