|
(ພາບ: baotintuc.vn) |
ກ່າວຄຳເຫັນໄຂພິທີ, ທ່ານປະທານສະມາຄົມມິດຕະພາບຫວຽດນາມ - ອາເຊັກໄບຊານ ຫງຽມຫວູຂາຍ ຢືນຢັນວ່າ: ການພົວພັນຮ່ວມມືມິດຕະພາບທີ່ເປັນມູນເຊື້ອຫວຽດນາມ - ອາເຊັກໄບຊານ ໄດ້ຮັບການເພີ່ມພູນຄູນສ້າງຜ່ານຫຼາຍທົດສະວັດ. ໃນຊຸມປີມໍ່ໆມານີ້, ການພົວພັນລະຫວ່າງ 2 ປະເທດໄດ້ຮັບການພັດທະນາຢ່າງແຮງໃນຫຼາຍຂົງເຂດ. ງານວາງສະແດງ “ໄກແຕ່ໃກ້” ແມ່ນການເຄື່ອນໄຫວທີ່ມີຄວາມໝາຍ, ປະກອບສ່ວນເຮັດໃຫ້ການພົວພັນມິດຕະພາບລະຫວ່າງ ຫວຽດນາມ - ອາເຊັກໄບຊານ ເລິກເຊິ່ງກວ່າ, ພ້ອມທັງຊຸກຍູ້ບັນດາການເຄື່ອນໄຫວພົບປະແລກປ່ຽນລະຫວ່າງ 2 ປະເທດ. ງານວາງສະແດງ ລວມມີພາບຖ່າຍ 60 ແຜ່ນກ່ຽວກັບວັດທະນະທຳ, ເສດຖະກິດ, ສັງຄົມຂອງ 2 ປະເທດຫວຽດນາມ ແລະ ອາເຊັກໄບຊານ. ງານວາງສະແດງຖືກຈັດຂຶ້ນໃນລະຫວ່າງວັນທີ 25 – 27 ພຶດສະພາ.
