ໃນຖະແຫຼງການໜຶ່ງທາງສື່ສັງຄົມອອນໄລ X, ທ່ານ Andy Burham ອາຍຸ 56 ປີ, ຮຽກຮ້ອງໃຫ້ມີວິວັດທະນາການມອບຮັບ “ທີ່ມີຄວາມເປັນລະບຽບຮຽບຮ້ອຍ ແລະ ມີຄວາມຮັບຜິດຊອບ” ພາຍຫຼັງທີ່ທ່ານນາຍົກລັດຖະມົນຕີ Keir Starmer ຖະແຫຼງລາອອກຈາກຕຳແໜ່ງ. ເມື່ອຢັ້ງຢືນຈະອອກສະໝັກຮັບເລືອກຕັ້ງເຂົ້າຕຳແໜ່ງການນຳພັກສາທາລະນະ, ທ່ານອະດີດເຈົ້າຄອງນະຄອນ Manchester ກໍ ສະແດງຄວາມຫວັງວ່າ ການປ່ຽນແປງດ້ານການເມືອງຄັ້ງນີ້ ບໍ່ຄວນສົ່ງຜົນກະທົບເຖິງການດຳລົງຊີວິດຂອງປະຊາຊົນ ແລະ ຮຽກຮ້ອງໃຫ້ວິວັດທະນາການມອບຮັບນີ້ ກາຍເປັນວິວັດທະນາການປ່ຽນແປງໃໝ່ທີ່ຕັ້ງໜ້າໃຫ້ທັງພັກສາທາລະນະ ແລະ ປະເທດ ອັງກິດ.
ກ່ອນໜ້ານັ້ນ, ພາຍຫຼັງຖະແຫຼງລາອອກຈາກຕຳແໜ່ງ, ທ່ານນາຍົກລັດຖະມົນຕີ Starmer ໃຫ້ຮູ້ວ່າ ໄດ້ຮຽກຮ້ອງໃຫ້ຄະນະກຳມະການບໍລິຫານແຫ່ງຊາດຂອງພັກສາທາລະນະ ສ້າງແຜນການລະອຽດ, ດ້ວຍເລື່ອງຈົດທະບຽນຜູ້ອອກສະໝັກຮັບເລືອກຕັ້ງເປັນການນຳໃນວັນທີ 9 ກໍລະກົດ, ເພື່ອໃຫ້ການເລືອກຕັ້ງການນຳຄົນໃໝ່ຂອງພັກນີ້ສຳເລັດກ່ອນເວລາທີ່ສະພາແຫ່ງຊາດ ອັງກິດ ໂຮມປະຊຸມໃນເດືອນ ກັນຍາ ຈະມາເຖິງ.
