ບັນດາກຳລັງກູ້ໄພກູ້ຊີບຂອງເນປານໄດ້ຟື້ນຟູກິດຈະກຳຊອກຫາ, ກູ້ໄພກູ້ຊີບຢູ່ທີ່ບັນດາ ຂົງເຂດຖືກທຳລາຍໂດຍໄພພິບັດນໍ້າໄຫຼຊູ ແລະ ດິນເຊາະເຈື່ອນຢ່າງຮ້າຍແຮງຢູ່ເຂດ ຊາຍແດນ ລະຫວ່າງ ສອງປະເທດ, ພາຍຫຼັງຕ້ອງໄດ້ຢຸດຊົ່ວຄາວເພາະຄວາມສ່ຽງ ບຶງນໍ້າແຫ່ງໜຶ່ງທີ່ຖືກສ້າງຂຶ້ນໂດຍດິນເຈື່ອນຖືກແຕກຝັ່ງ.
ຢູ່ທີ່ເນປານ, ເຈົ້າໜ້າທີ່ຄວາມໝັ້ນຄົງນັບພັນຄົນພ້ອມດ້ວຍເຮລິກອບເຕີທະຫານ ໄດ້ຮັບການລະດົມກັບຄືນເພື່ອເຂົ້າເຖິງບັນດາຂົງເຂດທີ່ຍັງບໍ່ສາມາດເຂົ້າເຖິງດ້ວຍທາງບົກ, ຫຼັງຈາກໄລຍະໜຶ່ງຢຸດຊົ່ວຄາວ ຍ້ອນບຶງນໍ້າແຫ່ງໜຶ່ງທີ່ຖືກສ້າງຂຶ້ນຫຼັງໄພພິບັດ.
ໄລ່ຮອດຕອນເຊົ້າວັນທີ 29 ສິງຫາ, ອຳນາດການປົກຄອງເນປານໄດ້ຢັ້ງຢືນມີ 579 ຄົນ ເສຍຊີວິດ ແລະ 1.924 ຄົນຫາຍຊາບສູນ. ໃນຂະນະທີ່, ຢູ່ເຂດຕິເບດ ຂອງ ຈີນ, ມີ 7 ຄົນ ໄດ້ຮັບການຢັ້ງຢືນເສຍຊີວິດ ແລະ 554 ຄົນຫາຍຊາບສູບ. ຕົວເລກຈຳນວນຜູ້ເສຍຊີວິດ ແລະ ຮັບບາດເຈັບຄາດວ່າຈະສືບຕໍ່ເພີ່ມຂຶ້ນ, ຍ້ອນຫຼາຍເຂດພູດອຍຫ່າງໄກສອກຫຼີກ ຍັງຖືກປິດລ້ອມໂດດດ່ຽວ.
