|
(ພາບ: VGP/Thanh Chung) |
ໃນວາລະປະຊຸມຫວ່າງມໍ່ໆມານີ້, ຄະນະປະຈໍາສະພາແຫ່ງຊາດຖືວ່າ ຮ່າງດໍາລັດຄວນ ເຮັດແຈ້ງວຽກແຍກໜ້າທີ່ໃນການຄຸ້ມຄອງລັດ, ໜ້າທີ່ບໍລິຫານວິສາຫະກິດ, ໜ້າທີ່ຂອງຜູ້ຖືກໍາມະສິດທຶນຂອງລັດ; ມີກົນໄກ, ນະໂຍບາຍເງິນເດືອນໃຫ້ແກ່ການນໍາຂອງຄະນະກໍາມະການ, ການນໍາບັນດາຫົວໜ່ວຍໃຫ້ເໝາະສົມ ເພື່ອດຶງດູດພະນັກງານ ທີ່ມີກໍາລັງຄວາມສາມາດ, ສ້າງກໍາລັງໜູນໃຫ້ແກ່ກົງຈັກປະຕິບັດບົດບາດ, ໜ້າທີ່ຢ່າງມີປະສິດທິຜົນ. ຄະນະປະຈໍາສະພາແຫ່ງຊາດ ກໍສະເໜີໃຫ້ເຮັດແຈ້ງຂໍ້ກໍານົດຂອງຄະນະກໍາມະການທີ່ບໍ່ແຊກແຊງເຂົ້າໃນການຜະລິດ, ດໍາເນີນທຸລະກິດຂອງວິສາຫະກິດໂດຍກົງ ແລະ ຮັບປະກັນປະສິດທິຜົນ, ເພີ່ມທະວີມູນຄ່າທຶນຂອງລັດທັງໝົດທີ່ລົງທຶນເຂົ້າວິສາຫະກິດ...
ສະຫຼຸບທີ່ການເຮັດວຽກ ທ່ານຮອງນາຍົກລັດຖະມົນຕີ ເວືອງດິງເຫວ້ ສະເໜີໃຫ້ກະຊວງແຜນການ ແລະການລົງທຶນ ຮັບເອົາຄໍາຄິດເຫັນຈາກບັນດາກະຊວງ, ຂະແໜງການຕ່າງໆ ລາຍງານຕໍ່ນາຍົກລັດຖະມົນຕີ ເພື່ອຍື່ນເອກະສານຂໍຄໍາເຫັນຈາກບັນດາສະມາຊິກລັດຖະບານ, ຈາກນັ້ນ, ສັງລວມ, ເພີ່ມເຕີມ ເພື່ອຍື່ນສະເໜີຕໍ່ທ່ານນາຍົກລັດຖະມົນຕີ ລົງນາມປະກາດໃຊ້ດໍາລັດໃນເດືອນກັນຍາ 2018. ບັນດາກະຊວງ, ຂະແໜງການກ່ຽວຂ້ອງ ນໍາໃຊ້ບັນດາລະບຽບກົດໝາຍທີ່ພວມປະກາດໃຊ້ຢ່າງສູງສຸດ, ສ້າງເງື່ອນໄຂໃຫ້ຄະນະກໍາມະການດັ່ງກ່າວໄດ້ເຂົ້າສູ່ການເຄື່ອນໄຫວ ໃນເດືອນຕຸລາ 2018.
