ຍີ່ປຸ່ນດຳເນີນການເລືອກຕັ້ງສະພາຕ່ຳກ່ອນກຳນົດເວລາ

ໃນນັ້ນຈະມີສະມາຊິກລັດຖະສະພາ 289 ທ່ານຈະໄດ້ຮັບການເລືອກຕັ້ງໂດຍກົງ ແລະ ສະມາຊິກລັດຖະສະພາ 176 ທ່ານຈະຮັບການເລືອກຕັ້ງຜ່ານລະບົບອັດຕາຜູ້ຕາງໜ້າ. ຕາມໝາກຜົນການສຳຫຼວດກ່ອນການເລືອກຕັ້ງ, ພັນທະມິດກຳອຳນາດລະຫວ່າງພັກປະຊາທິປະໄຕເສລີ (LDP) ແລະ ພັກ Komeito ອາດຈະຍາດໄດ້ໄຊຊະນະຢ່າງໃຫຍ່ຫຼວງ, ຜ່ານນັ້ນຊ່ວຍຮັກສາບັນດານະໂຍບາຍເຊິ່ງລັດຖະບານຂອງທ່ານນາຍົກລັດຖະມົນຕີ Shinzo Abe ພວມຜັນຂະຫຍາຍ. ໜັງສືພິມລາຍວັນ Nikkei ຂອງຍີ່ປຸ່ນ ຄາດວ່າ, ພັນທະມິດກຳອຳນາດອາດຈະຍາດໄດ້ປະມານ 300/465 ທີ່ນັ່ງຢູ່ສະພາຕ່ຳ. ໃນຂະນະທີ່, 2 ພັກຝ່າຍຄ້ານຕົ້ນຕໍ່ແມ່ນພັກຄວາມຫວັງ ແລະ ເຈົ້າຄອງນະຄອນໂຕກຽວ ແລະ ພັກປະຊາທິປະໄຕສ້າງລັດຖະທຳມະມູນຄາດວ່າ ແຕ່ລະພັກພຽງຍາດໄດ້ປະມານ 50 ທີ່ນັ່ງເທົ່ານັ້ນ.