 ບັນດາຜູ້ແທນເຂົ້າຮ່ວມເວທີປາໄສ |
ເວທີປາໄສ ໄດ້ກວດກາບັນດາບົດຮຽນ ແລະ ປະສົບການໃໝ່ສຸດໃນການປ່ຽນໃໝ່ດ້ານການເງິນຂອງບັນດາວິສາຫະກິດຂະໜາດນ້ອຍ ແລະ ກາງ (SME), ພິເສດແມ່ນປຶກສາຫາລືລະອຽດກ່ຽວກັບການພັດທະນາ ແລະ ສິ່ງທ້າທາຍຂອງບັນດາລະບົບສະໜອງການເງິນໃນພາກພື້ນ. ນີ້ແມ່ນວິທີເພື່ອສຳຜັດກັບລູກຄ້າຂອງວິສາຫະກິດຂະໜາດນ້ອຍ ແລະ ກາງ ດ້ວຍການໝູນໃຊ້ບັນດາສາຍພົວພັນໃນລະບົບ ແລະ ເຕັກໂນໂລຢີທັນສະໄໝ, ລະບົບສະໜອງການເງິນ, ຊ່ວຍໃນການເຕົ້າໂຮມ ບັນດາວິສາຫະກິດຂະໜາດນ້ອຍ ແລະ ກາງຈຳນວນຫຼາຍເຂົ້າໃນລະບົບການເງິນທາງການ. ບັນດາຜູ້ແທນເຊື່ອໝັ້ນວ່າບັນດາການເຄື່ອນໄຫວດ້ານການເງິນທີ່ນຳໃຊ້ບັນດາວິທີການຄື: ການຄ້າເອເລັກໂຕນິກ ແລະ ການຊຳລະໃນພື້ນຖານການເງິນ ເອເລັກໂຕນິກ… ແມ່ນບັນດາທິດທາງໃໝ່ເພື່ອຍົກສູງຕະຫຼາດການເງິນຂອງບັນດາວິສາຫະກິດຂະໜາດນ້ອຍທີ່ສຸດ, ນ້ອຍ ແລະ ກາງທີ່ຂຶ້ນກັບບັນດາພື້ນຖານເສດຖະກິດ APEC.
ແລະກໍ່ໃນວັນດຽວກັນ, ໃນຂອບເຂດສັບປະດາກອງປະຊຸມລັດຖະມົນຕີວິສາຫະກິດຂະໜາດນ້ອຍ ແລະ ກາງ APEC 2017, ຢູ່ນະຄອນໂຮ່ຈີມິນ ໄດ້ຈັດຕັ້ງກອງປະຊຸມສຳມະນາ “ວິສາຫະກິດຂະໜາດນ້ອຍທີ່ສຸດ, ນ້ອຍ ແລະ ກາງ (MSME) ເລີ່ມທຸລະກິດ ປ່ຽນໃໝ່ ແລະ ຂະຫຍັນຂັນເຄື່ອນໃນພາກພື້ນ APEC.”
