ຍູ້ແຮງການເຄື່ອນໄຫວວິທະຍາສາດ ເຕັກໂນໂລຢີໃນບັນດາຮາກຖານສຶກສາມະຫາວິທະຍາໄລ

ກ່າວຄວາມເຫັນທີ່ກອງປະຊຸມ, ທ່ານ ຟຸ່ງຊວນຍະ, ລັດຖະມົນຕີກະຊວງສຶກສາ ແລະ ບຳລຸງສ້າງ ຢືນຢັນວ່າ, ການບຳລຸງສ້າງ ແລະ ຄົ້ນຄ້ວາວິທະຍາສາດແມ່ນສອງເສົາຄຳ້ຂອງບັນດາມະຫາວິທະຍາໄລ. ບັນດາການຄົ້ນຄ້ວາວິທະຍາສາດໃໝ່ແມ່ນທິດທາງເພື່ອໃຫ້ມະຫາວິທະຍາໄລສຸມໃສ່ພັດທະນາ. ທ່ານເນັ້ນໜັກວ່າ, ມີແຕ່ລົງທຶນໃຫ້ແກ່ການຄົ້ນຄ້ວາວິທະຍາສາດເທົ່ານັ້ນ, ບັນດາມະຫາວິທະຍາໄລຈຶ່ງສາມາດຍົກລະດັບໂຮງຮຽນ, ກໍ່ສ້າງນັກສຶກສາເກັ່ງ, ດຶງດູດບັນດາອາຈານທີ່ດີ, ນັກວິທະຍາສາດເກັ່ງໄດ້.

ສ່ວນທ່ານ ຈູງອກແອງ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຢີ ກໍ່ຢືນຢັນວ່າ, ເພື່ອຍົກສູງປະສິດທິຜົນການເຄື່ອນໄຫວວິທະຍາສາດ ເຕັກໂນໂລຢີ, ບັນດາມະຫາວິທະຍາໄລຄວນຍູ້ແຮງການຫັນ ການເຄື່ອນໄຫວວິທະຍາສາດເຕັກໂນໂລຢີເປັນສັງຄົມ ຕິດພັນກັບການສົມທົບກັບບັນດາວິສາຫະກິດເພື່ອເປັນເຈົ້າມະຫາວິທະຍາໄລໂດຍອີງໃສ່ວິທະຍາສາດ ເຕັກໂນໂລຢີ.