ໃນ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 320.448 ຄົນ, ເຊິ່ງຫຼາຍທີ່ສຸດແມ່ນຢູ່ ອິນເດຍ, ຖັດມາ ແມ່ນ ບຣາຊິນ, ໂກລົມເບຍ ແລະ ອາກຊັງຕິນ… ອາເມລິກາ ຍັງຄົງແມ່ນປະເທດທີີ່ມີຈຳນວນຜູ້ເສຍຊີວິດ ແລະ ຜູ້ຕິດເຊື້ອຫຼາຍທີ່ສຸດໃນໂລກ ດ້ວຍຈຳນວນຜູ້ຕິດເຊື້ອລວມທັງໝົດຫຼາຍກວ່າ 34,2 ລ້ານຄົນ, ໃນນັ້ນ ມີ 612.363 ຄົນ ເສຍຊີວິດ.

(ພາບປະກອບ)
ສ່ວນຢູ່ ຫວຽດນາມ, ຕາມກະຊວງສາທາລະນະສຸກແລ້ວ, ນັບແຕ່ເວລາ 6 ໂມງ ຫາເວລາ 12 ໂມງຂອງວັນທີ 7 ມິຖຸນາ, ຫວຽດນາມ ຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 92 ຄົນ, ອັນໄດ້ຍົກຈຳນວນຜູ້ຕິດເຊື້ອທັງໝົດຢູ່ ຫວຽດນາມ ຂຶ້ນເປັນ 8.883 ຄົນ.

ໄລ່ຮອດປັດຈຸບັນ, ຫວຽດນາມ ໄດ້ປິ່ນປົວຜູ້ຕິດເຊື້ອພະຍາດໂຄວິດ - 19 ໃຫ້ຫາຍດີໃຫ້ 3.369 ຄົນແລ້ວ ແລະ ມີ 53 ຄົນ ເສຍຊີວິດ.