ຕາມການອັບເດັດປະຈຳວັນຂອງອົງການ WHO ແລ້ວ, ສປ. ກົງໂກ ຮັບຮູ້ມີ 452 ກໍລະນີ, ໃນນັ້ນ ມີ 82 ກໍລະນີເສຍຊີວິດ. ໃນຂະນະນັ້ນ, ຢູ່ປະເທດບ້ານໃກ້ເຮືອນຄຽງ Uganda ມີ 19 ກໍລະນີ ແລະ ມີ 2 ກໍລະນີເສຍຊີວິດ. ເປັນອັນວ່າ, ຢູ່ ສປ.ກົງໂກ ແລະ Uganda ມີທັງໝົດ 471 ກໍລະນີຕິດເຊື້ອໄວຣັດດັ່ງກ່າວ ແລະ 84 ກໍລະນີເສຍຊີວິດ, ເພີ່ມຂຶ້ນ 100 ກໍລະນີຕິດເຊື້ອ ແລະ 20 ກໍລະນີເສຍຊີວິດ ເມື່ອທຽບໃສ່ມື້ກ່ອນ.
ອົງການ WHO ໄດ້ຖະແຫຼງວ່າ ການລະເບີດໂລກລະບາດ Ebola ຢູ່ ສປ.ກົງໂກ ແລະ Uganda ແມ່ນ “ສະພາວະການແພດຊຸມຊົນສຸກເສີນ ກໍ່ຄວາມວິຕົກກັງວົນສາກົນ”, ຍ້ອນຄວາມສ່ຽງແຜ່ລາມຂ້າມຊາຍແດນຂອງໂລກລະບາດນີ້. ອົງການດັ່ງກ່າວໄດ້ກ່າວເຕືອນວ່າ ຖ້າບໍ່ມີບັນດາມາດຕະການຄວບຄຸມຢ່າງແຮງ, ໂລກລະບາດອາດຈະກາຍເປັນການລະເບີດ Ebola ຄັ້ງໃຫຍ່ສຸດນັບແຕ່ກ່ອນມາຮອດປັດຈຸບັນ.
