 (ພາບ: AFP/TTXVN) |
ໂລກລະບາດໂຄວິດ - 19 ຍັງສືບຕໍ່ມີການຜັນແປຢ່າງສັບສົນຢູ່ ສ.ເກົາຫຼີ ຊື່ງແມ່ນໜຶ່ງໃນບັນດາປະເທດມີຈຳນວນຜູ້ຕິດເຊື້ອໃໝ່ ແລະ ເສຍຊີວິດຫຼາຍທີ່ສຸດໃນໂລກ. ວັນທີ 25 ມີນາ, ປະເທດນີ້ມີຜູ້ຕິດເຊື້ອຕື່ມອີກ ເກືອບ 340.000 ຄົນ, ອັນໄດ້ຍົກຍອດຈຳນວນຜູ້ຕິດເຊື້ອໃນທົ່ວປະເທດຂຶ້ນເຖິງກ່ວາ 11,1 ລ້ານຄົນ. ຕາມສູນຄວບຄຸມ ແລະ ປ້ອງກັນ, ຕ້ານໂລກລະບາດ ສ.ເກົາຫຼີ (KDCA) ແລ້ວ, ໃນຮອບເວລາ 24 ຊົ່ວໂມງຜ່ານມາ, ປະເທດນີ້ມີຜູ້ເສຍຊີວິດຈາກໂລກລະບາດໂຄ ວິດ - 19 ຈຳນວນ 393 ຄົນ.
ສ່ວນຢູ່ ສິງກະໂປ ກໍ່ໄດ້ປະກາດຜ່ອນຜັນບາງມາດຕະການປ້ອງກັນ, ຕ້ານໂລກລະບາດໂຄວິດ - 19 ຕື່ມອີກ. ຕາມນັ້ນແລ້ວ, ອຳນາດການປົກຄອງປະເທດນີ້ ໄດ້ຕັດສິນໃຈຍົກເລີກຂໍ້ຈຳກັດເກືອບທັງໝົດຕໍ່ແຂກທ່ອງທ່ຽວເຂົ້າເມືອງທີ່ໄດ້ສັກວັກຊິນກັນໂຄວິດ - 19 ໂດຍພື້ນຖານແລ້ວ ແລະ ຍົກເລີກຂໍ້ກຳນົດຕ້ອງໃສ່ຜ້າອັດປາກ - ດັງຢູ່ເຂດກາງແຈ້ງ.
