ໂດຍກ່ຽວຂ້ອງເຖິງເຫດອຸບັດຕິເຫດ ເຮືອສະປິດໂບ໊ດປີ້ນຂວ້ຳ ຢ່າງຮ້າຍແຮງທີ່ເກີດຂຶ້ນໃນຕອນບ່າຍວັນທີ 11 ກໍລະກົດ ໃນເຂດທະເລ ຝຸກວັກ, ແຂວງອານຢາງ, ອຳນາດການປົກຄອງພິເສດຝຸກວັກ ໄດ້ປະສານສົມທົບກັບບັນດາກຳລັງທີ່ມີໜ້າທີ່ຮັບຜິດຊອບ ໄດ້ປະຕິບັດສຳເລັດວຽກງານກູ້ໄພກູ້ຊີບຢູ່ສະຖານທີ່ເກີດເຫດ; ພ້ອມທັງສຸມໃສ່ແກ້ໄຂຜົນຮ້າຍຢ້ອນຫຼັງຈາກອຸບັດຕິເຫດ ແລະ ເບິ່ງແຍງດູແລສຸຂະພາບໃຫ້ແກ່ຜູ້ປະສົບເຄາະຮ້າຍ. ເຫດການເຮັດໃຫ້ມີຜູ້ຖືສັນຊາດອິນເດຍ 15 ຄົນເສຍຊີວິດ.
ກ່ອນໜ້ານັ້ນ, ພາຍຫຼັງໄດ້ຮັບຂ່າວກ່ຽວກັບອຸບັດຕິເຫດ, ທ່ານນາຍົກລັດຖະມົນຕີ ເລມິນຮຶງ ໄດ້ສົ່ງສານໂທລະເລກກ່ຽວກັບການແກ້ໄຂຜົນຮ້າຍຢ້ອນຫຼັງຈາເຫດອຸບັດຕິເຫດຄົມມະນາຄົມການເດີນເຮືອທີ່ຮ້າຍແຮງພິເສດໃນບໍລິເວນເຂດພິເສດ ຝຸກວັກ, ແຂວງອານຢາງ. ທ່ານນາຍົກລັດຖະມົນຕີ ສົ່ງຄຳຢື້ຢາມຖາມຂ່າວ ໄປຍັງຜູ້ປະສົບເຄາະຮ້າຍ ແລະ ແບ່ງເບົາຄວາມເສົ້າສະຫຼົດໃຈໄປຍັງພໍ່ແມ່ພີ່ນ້ອງ, ຄອບຄົວຜູ້ເສຍຊີວິດ; ພ້ອມທັງຊີ້ນຳກະຊວງຕຳຫຼວດ, ກະຊວງກໍ່ສ້າງ, ການນຳແຂວງອານຢາງ ແລະ ກຳລັງຕຳຫຼວດ, ການແພດ, ຕຳຫຼວດທະເລ, ກຳລັງປ້ອງກັນຊາຍແດນ…ສຸມໃສ່ແກ້ໄຂຜົນຮ້າຍຢ້ອນຫຼັງຈາກອຸບັດຕິເຫດ.
