ພາຍຫຼັງການພົບປະ, ທ່ານປະທານາທິບໍດີ Volodymyr Zelensky ໃຫ້ຮູ້ວ່າ ການນຳສອງທ່ານໄດ້ມີການພົບປະ “ຢ່າງຈົບງາມ” ແລະ ແລກປ່ຽນກ່ຽວກັບເລື່ອງ ອາເມລິກາ ອະນຸຍາດໃຫ້ ຢູແກຼນ ຜະລິດລູກສອນໄຟສະກັດຕີ Patriot ດ້ວຍຕົນເອງຕາມຄຳໝັ້ນສັນຍາເຊິ່ງທ່ານປະທານາທິບໍດີ Donald Trump ໄດ້ຍົກອອກມາໃນກອງປະຊຸມສຸດຍອດຂອງອົງການສົນທິສັນຍາອັດລັງຕິກເໜືອ (NATO) ເມື່ອຕົ້ນເດືອນ. ໄປຄຽງຄູ່ກັນນັ້ນ, ສອງຝ່າຍກໍໄດ້ປຶກສາຫາລືກ່ຽວກັບບາງຂໍ້ລິເລີ່ມອື່ນໃນຂົງເຂດປ້ອງກັນຊາດ ແລະ ເຫັນດີເປັນເອກະພາບຕ້ອງຊຸກຍູ້ວິວັດທະນາການທາງການທູດ ແນໃສ່ເຊື່ອມຕໍ່ບັນດາການເຈລະຈາສັນຕິພາບກັບ ລັດເຊຍ ຄືນໃໝ່.
ຕາມແຜນການແລ້ວ, ຄາດວ່າ ທ່ານ Steve Witkoff ແລະ ທ່ານ Jared Kushner ທູດພິເສດຂອງທ່ານປະທານາທິບໍດີ ອາເມລິກາ ຈະເດີນທາງໄປຍັງ ຢູແກຼນ ເປັນຄັ້ງທຳອິດ ເພື່ອຊຸກຍູ້ບັນດາຄວາມມານະພະຍາຍາມເປັນກາງລະຫວ່າງ Kiev ແລະ ມົດສະກູ.
ນັກຂ່າວ VOV ປະຈຳ ອາເມລິກາ
