ທ່ານ Donald Trump ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ໃຫ້​ຮູ້​ວ່າ ບັນ​ດາ​ປະ​ເທດ G7 ບັນ​ລຸ​ໄດ້​ຂໍ້​ຕົກ​ລົງ​ປ່ອຍ​ນ້ຳ​ມັນ diesel ຈາກ​ສາງ​ສຳ​ຮອງ, ເພື່ອ​ແນ​ໃສ່​ແຫຼ່ງ​ສະ​ໜອງ ແລະ ປະ​ກອບ​ສ່ວນ​ແກ່​ຍາວ​ການຫຼຸດ​ລາ​ຄາ​ນ້ຳ​ມັນ​ເຊື້ອ​ໄຟ ໃນ​ສະ​ພາບ​ການລາ​ຄານ້ຳ​ມັນ diesel ຢູ່​ອາ​ເມ​ລິ​ກາ ພວມ​ຢູ່​ລະ​ດັບ​ສູງ, ສ້າ​ງ​ຄວາມ​ກົນ​ດັນ​ຕໍ່​ປະ​ຊາ​ຊົນ ແລະ ວິ​ສາ​ຫະ​ກິດ​ກ່ອນ​ການ​ເລືອກ​ຕັ້ງ​ກາງ​ສະ​ໄໝ. ກ່າວ​ຄຳ​ເຫັນ​ທີ​ການ​ຂົນ​ຂວາຍ​ເລືອກ​ຕັ້ງ​ຢູ່​ນະ​ຄອນ Mobile, ລັດ Alabama ໃນ​ຕອນ​ຄ່ຳ​ວັນ​ທີ 2 ຕຸ​ລາ, ທ່ານ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ເວົ້າ​ວ່າ​ນີ້​ແມ່ນ​ຂ່າວ​ດີ ອາດ​ສາ​ມາດຫຼຸດ​ຜ່ອນ​ລາ​ຄາ​ໃຫ້​ປະ​ຊາ​ຊົນ​ອາ​ເມ​ລິ​ກາ.ທ່ານ Donald Trump ກໍ່​ໃຫ້​ຮູ້​ວ່າ ອາ​ເມ​ລິ​ກາ ຈະ​ບໍ່​ຈັດ​ວາງ​ຄຳ​ສັ່ງ​ຫ້າມ​ສົ່ງ​ອອກ​ນ້ຳ​ມັນ diesel, ພ້ອມ​ທັງ​ຖື​ວ່າ ເລື່ອງ ເອີ​ລົບ​ນຳ​ເອົານ້ຳ​ມັນ diesel ຂາຍສູ່​ຕະຫຼາດ ແມ່ນ​ການ​ປະ​ກອບ​ສ່ວນ​ໃຫຍ່ຫຼວງ​ໃຫ້​ແກ່​ໂລກ”. ຕາມ​ຖະ​ແຫຼງ​ການ​ຮ່ວມ​ຂອງ G7, ກຸ່​ມ​ບັນ​ດາ​ປະ​ເທດ ອຸດ​ສາ​ຫະ​ກຳ​ພັດ​ທະ​ນາ​ຈະ​ປະ​ສານ​ສົມ​ທົບ​ປ່ອຍ​ນ້ຳ​ມັນ​ດິບ 100 ລ້ານ​ຖັງ ແລະ ຜະ​ລິດ​ຕະ​ພັນ​ເຊື້ອ​ໄຟ​ຜ່ານ​ອົງ​ການ​ພະ​ລັງ​ງານ​ສ​າ​ກົນ, ເລີ່​ມ​ຕົ້ນ​ໃນ​ທັນ​ທີ ແລະ ແກ່​ຍາວ​ໃນ​ໄລ​ຍະ 4 ເດືອນ.