ວັນທີ 29 ຕຸລາ, ທ່ານ Mahmoud Abbas ປະທານາທິບໍດີ ປາແລັດສະຕິນ ສະແດງຄວາມຫວັງວ່າ ການເລືອກລັດຖະບານຊຸດໃໝ່ຂອງ ອິດສະລາແອັນ ຈະອະນຸຍາດໃຫ້ເຊື່ອມຕໍ່ການເຈລະຈາສັນຕິພາບຄືນໃໝ່, ເມື່ອວິວັດການສັນຕິພາບຢູ່ພາກພື້ນຕາເວັນອອກກາງນີ້ພວມຖືກຢຸດສະຫງັກມາເປັນເວລາຫຼາຍປີແລ້ວ. ກ່າວຄຳເຫັນທີ່ການຖະແຫຼງຂ່າວພາຍຫຼັງການພົບປະກັບ ທ່ານ Nikos Christodoulides ປະທານາທິບໍດີ ສ.ໄຊປຣັດ, ທ່ານ Mahmoud Abbas ໃຫ້ຮູ້ວ່າ ໃນຫຼາຍປີມານີ້, ປາແລັດສະຕິນ ຍາມໃດກໍ່ສະແດງເຈດຕະນາດີເພື່ອບັນລຸໄດ້ສັນຕິພາບກັບ ອິດສະລາແອັນ, ເພື່ອໃຫ້ສອງຝ່າຍອາດສາມາດຳລົງຊີວິດໃນຄວາມໝັ້ນຄົງ, ມີສະຖຽນລະພາບ ແລະ ສັນຕິພາບ, ພ້ອມທັງສະແດງຄວາມຫວັງວ່າ ຈະດຳເນີນການສົນທະນາໃນທັນທີພາຍຫຼັງທີ່ລັດຖະບານຊຸດໃໝ່ຂອງ ອິດສະລາແອັນ ໄດ້ຮັບການສ້າງຕັ້ງຂຶ້ນ.
