 ທ່ານປະທານປະເທດ ຫວຽດນາມ ຫວໍວັນເຖືອງ ເຂົ້າຮ່ວມງານບຸນໄຫວ້ພະຈັກນກັບເດັກນ້ອຍຢູ່ແຂວງ ບິ່ງເຟຶອກ (ພາບ: VOV) |
ໂດຍໄດ້ຈັດຂຶ້ນໃນໄລຍະຈຸດສຸມແມ່ນແຕ່ວັນທີ 19 – 29 ກັນຍາ, ລາຍການດັ່ງກ່າວມີການເຄື່ອນໄຫວຫຼາຍຢ່າງທີ່ເປັນຫຼາຍຮູບຫຼາຍແບບ ດ້ວຍໂຄມໄຟ ແລະ ຂອງຂວັນເນື່ອງໃນໂອກາດບຸນໄຫວ້ພະຈັນ ກວ່າ 5 ລ້ານພູດ ໄດ້ມອບໃຫ້ບັນດນ້ອງໆທີ່ປະສົບກັບຄວາມຫຍຸ້ງຍາກໃນທົ່ວປະເທດ; ເດັກນ້ອຍຢູ່ເຂດຫ່າງໄກສອກຫຼີກ, ເຂດຊົນເຜົ່າສ່ວນໜ້ອຍ, ເຂດຊາຍແດນ, ທະເລໝູ່ເກາະ... ກ່າວຄຳເຫັນນະທີ່ນີ້, ທ່ານປະທານປະເທດ ຫວຽດນາມ ຫວໍວັນເຖືອງ ໄດ້ຢັ້ງຢືນວ່າ ການເອົາໃຈໃສ່, ເບິ່ງແຍງດູແລ, ສຶກສາ, ປົກປ້ອງເຍົາວະຊົນ, ອະນຸຊົນ ແມ່ນແຜນນະໂຍບາຍທີ່ໃຫຍ່ຫຼວງຂອງພັກ, ລັດ ຫວຽດນາມ. ທ່ານກ່າວວ່າ:
“ຂ້າພະເຈົ້າດີໃຈຫຼາຍ ເມື່ອຮູ້ວ່າ ລູກຫຼານແຕ່ລະຄົນທີ່ມີເງື່ອນໄຂທີ່ແຕກຕ່າງກັນ, ແຕ່ພັດມີຈຸດຄືກັນຢູ່ບ່ອນວ່າ ຜູ້ໃດກໍມານະພະຍາຍາມຮ່ຳຮຽນ ແລະ ບັນລຸໄດ້ຜົນງານທີ່ຕັ້ງໜ້າຫຼາຍຢ່າງ; ມີມາລະຍາດດີ, ສາມັກຄີກັນ; ມີນໍ້າໃຈຮັກແພງ ແລະ ຮູ້ແບ່ງປັນກັບໝູ່ເພື່ອນ. ຂ້າພະເຈົ້າກໍຫວັງວ່າ, ບັນດາລູກຫຼານ ຈະມານະພະຍາຍາມຮ່ຳຮຽນ, ຝຶກຝົນຫຼາຍກວ່າອີກ, ເສີມຂະຫຍາຍໝາກຜົນທີ່ຍາດມາໄດ້ ແລະ ນັບມື້ນັບບັນລຸໄດ້ຫຼາຍຜົນງານທີ່ສູງກວ່າ. ຂໍອວຍພອນໃຫ້ພວກຫຼານ ຕ້ອນຮັບວັນບຸນໄຫວ້ພະຈັນດ້ວຍຄວາມມ່ວນຊື່ນ ແລະ ອົບອຸ່ນ”.
ກໍໃນວັນດຽວກັນ, ທ່ານປະທານປະເທດ ຫວຽດນາມ ຫວໍວັນເຖືອງ ກໍ່ໄດ້ເຂົ້າຮ່ວມພິທີເປີດນຳໃຊ້ເຂດອ່ານປຶ້ມ ແລະ ດຳເນີນຊີວິດຂອງກອງເຍົາວະຊົນ; ມອບຂອງຂວັນໃຫ້ແກ່ນັກຮຽນ, ສະມາຊິກເຍົາວະຊົນ ຢູ່ໂຮງຮຽນປະຖົມ ເຕິນຊວັນ C, ຕາແສງ ເຕິນຊວັນ, ນະຄອນ ດົງຊວ່າຍ.
ຫວູຢຸງ
