ປະ​ຊາ​ຊົນ ແລະ ບັນ​ດາ​ສະ​ມາ​ຊິກ ຕາ​ລີ​ບານ​ເຕົ້າ​ໂຮມ​ກັນ​ຢູ່​ໃກ້​ຕຶກ​ອາ​ຄານ​ແຫ່ງ​ໜຶ່ງ​ທີ່​ຖືກ​ທຳ​ລາຍ​ພາຍຫຼັງ​ການ​ບຸກ​ໂຈມ​ຕີ​ທາງ​ອາ​ກາດ​ໂດຍ​ກຳ​ລັງ​ປ້ອງ​ກັນ​ຄວາມ​ໝັ້ນ​ຄົງ ປາ​ກິດ​ສະ​ຖານ ປະ​ຕິ​ບັດ (ພາບ: AP/Saifullah Zahir)
ປະ​ຊາ​ຊົນ ແລະ ບັນ​ດາ​ສະ​ມາ​ຊິກ ຕາ​ລີ​ບານ​ເຕົ້າ​ໂຮມ​ກັນ​ຢູ່​ໃກ້​ຕຶກ​ອາ​ຄານ​ແຫ່ງ​ໜຶ່ງ​ທີ່​ຖືກ​ທຳ​ລາຍ​ພາຍຫຼັງ​ການ​ບຸກ​ໂຈມ​ຕີ​ທາງ​ອາ​ກາດ​ໂດຍ​ກຳ​ລັງ​ປ້ອງ​ກັນ​ຄວາມ​ໝັ້ນ​ຄົງ ປາ​ກິດ​ສະ​ຖານ ປະ​ຕິ​ບັດ (ພາບ: AP/Saifullah Zahir)

ວັນ​ທີ 29 ມິ​ຖຸ​ນາ, ບັນ​ດາ​ເຈົ້າ​ໜ້າ​ທີ່​ອຳ​ນາດ​ການ​ປົກ​ຄອງ​ຕາ​ລີ​ບານ ຢູ່​ອາບ​ກາ​ນິດ​ສະ​ຖານ ໃຫ້​ຮູ້​ວ່າ​ເຫດ​ບຸກ​ໂຈມ​ຕີ ຂອງ ປາ​ກິດ​ສະ​ຖານ ເລັ່ງ​ໃສ່​ບັນ​ດາ​ແຂວງ Paktia, Paktika ແລະ Kunar ທາງ​ທິດ​ຕາ​ເວັນ​ອອກ ອາບ​ກາ​ນິດ​ສະ​ຖານ ໄດ້​ເຮັດ​ໃຫ້​ມີ​ຜູ້​ເສຍ​ຊີ​ວິດຢ່າງ​ໜ້ອຍ​ສຸດ 36 ຄົນ ແລະ ຜູ້​ຮັບ​ບາດ​ເຈັບ 163 ຄົນ. ໃນ​ສື່​ສັງ​ຄົມ​ອອນ​ໄລ X, ທ່ານ Hamdullah Fitrat ຮອງ​ໂຄ​ສົກ​ຂອງ​ອຳ​ນາດ​ການ​ປົກ​ຄອງ ຕາ​ລີ​ບານ ໄດ້​ຄັດ​ຄ້ານ​ ​ການ​ບຸກ​ໂຈມ​ຕີຢ່າງ​ແຮງ​, ແລະຖື​ວ່າ​ນີ້​ແມ່ນ​ການ​ກະ​ທຳ​ລະ​ເມີດ​ອະ​ທິ​ປະ​ໄຕ ອາບ​ກາ​ນິດ​ສະ​ຖານ.

ກ່ອນ​ໜ້າ​ນັ້ນ, ທ່ານ Attaullah Tarar ລັດ​ຖະ​ມົນ​ຕີ​ກະ​ຊວງ​ຖະ​ແຫຼງ​ຂ່າວ ແລະ ສື່​ສານ ປາ​ກິດ​ສະ​ຖານ ໃຫ້​ຮູ້​ວ່າ ກອງ​ທັບ​ປະ​ເທດ​ນີ້​ໄດ້​ປຸກ​ລະ​ດົມ​ການ​ບຸກ​ໂຈມ​ຕີ​ທາງ​ບົກ​ປະ​ສົມ​ກັບ​ການ​ບຸກ​ໂຈມ​ຕີ​ທາງ​ອາ​ກາດທີ່ ເລັ່ງ​ໃສ່​ກຸ່ມ​ກະ​ໂບດ Tehreek-e-Taliban ປາ​ກິດ​ສະ​ຖານ ແລະ ກຸ່ມ Jamaat-ul-Ahrar ຢູ່​ລຽບ​ຕາມ​ເຂດ​ຊາຍ​ແດນ ປາ​ກິດ​ສະ​ຖານ - ອາບ​ກາ​ນິດ​ສະ​ຖານ.