ປ່າສະຫງວນແຫ່ງຊາດ ກຸກເຟືອງ ມີຄວາມເປັນກຽດຫາກໍ່ໄດ້ຮັບນາມມະຍົດ ສະຖານທີ່ນັດພົບທຳມະຊາດທີ່ໃຫຍ່ໂຕມະຫາຖານ ດຶງດູດແຂກທ່ອງທ່ຽວແຖວໜ້າໃນປີ 2025”. ນາມມະຍົດນີ້ໂດຍສະຫະສະມາຄົມການທ່ອງທ່ຽວ ຫວຽດນາມ ປະສານສົມທົບກັບຄະນະກຳມະການປະຊາຊົນແຂວງນິງບິ່ງ ຈັດຂຶ້ນໃນວັນທີ 9 ກໍລະກົດ, ເນື່ອງໃນໂອກາດສະເຫຼີມສະຫຼອງ 66 ປີແຫ່ງວັນສ້າງຕັ້ງຂະແໜງການທ່ອງທ່ຽວ ຫວຽດນາມ (9/7/1960 - 09/7/2026).
ນີ້ແມ່ນໜຶ່ງໃນບັນດາລາງວັນລະດັບຊາດປະຈຳປີ ໂດຍສະຫະສະມາຄົມ ທ່ອງທ່ຽວ ຫວຽດນາມປຸກລະດົມເພື່ອແນໃສ່ເຊີດຊູບັນດາທ້ອງຖິ່ນ, ສະຖານທີ່ທ່ອງທ່ຽວ, ວິສາຫະກິດ ແລະ ອົງການສຳນັກງານມີການປະກອບສ່ວນທີ່ພົ້ນເດັ່ນໃຫ້ການພັດທະນາຂະແໜງການທ່ອງທ່ຽວຫວຽດນາມ ຕາມທິດທາງຫັນເປັນສີຂຽວ, ຫັນເປັນດີຈີຕອນ, ນະວັດຕະກຳ ແລະ ພັດທະນາແບບຍືນຍົງ. ເລື່ອງປ່າສະຫງວັນແຫ່ງຊາດ ກຸກເຟືອງ ໄດ້ຮັບການເຊີດຊູແມ່ນການຢັ້ງຢືນຕໍ່ວິວັດການກວ່າ 64 ປີຢຶດໝັ້ນກັບພາລະກິດອະນຸລັກຮັກສາທຳມະຊາດ, ຮັກສາຊີວະນາໆພັນ ແລະ ການພັດທະນາການທ່ອງທ່ຽວຊຸມຊົນຕາມທິດກົມກຽວລະຫວ່າງການອະນຸລັກ ກັບການພັດທະນາແບບຍືນຍົງ.
