 ສະຖານທີ່ເກີດເຫດ (ພາບ: TTXVN) |
ວັນທີ 28 ທັນວາ, ທ່ານເລຂາທິການໃຫຍ່ ສປຊ Antonio Guterres ໄດ້ກ່າວປະນາມຢ່າງແຮງຕໍ່ເຫດວາງລະເບີດທີ່ນອງເລືອດ ຢູ່ປ້ອມກວດກາຄວາມສະຫງົບ ແລະ ເລັ່ງໃສ່ສູນເກັບພາສີທີ່ນະຄອນຫຼວງ Mogadishu ຂອງ ໂຊມາລີ ໃນຕອນເຊົ້າຂອງວັນດຽວກັນ ເຊິ່ງໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 79 ຄົນ ແລະ ອີກ 149 ຄົນຖືກຮັບບາດເຈັບ. ທ່ານກໍໄດ້ສະແດງຄວາມເສົ້າສະຫຼົດໃຈຢ່າງລົ້ນເຫຼືອຕໍ່ຄອບຄົວບັນດາຜູ້ປະສົບເຄາະຮ້າຍ, ພ້ອມທັງຫວັງວ່າ ຜູ້ຮັບບາດເຈັບຈະຫາຍຂຶ້ນໂດຍໄວ. ການນໍາ ສປຊ ເນັ້ນໜັກວ່າ ພວກທີ່ກໍ່ໂທດກໍາອັນໂຫດຮ້າຍນີ້ຂຶ້ນມາ ຕ້ອງປັບໄໝລົງໂທດຢ່າງເໝາະສົມ.
ໃນວັນດຽວກັນ, ອາຣັບບິ ຊະອຸດິ ແລະ ຈໍແດນ ກໍໄດ້ກ່າວປະນາມເຫດວາງລະເບີດທີ່ນອງເລືອດດັ່ງກ່າວ.
