ປະທານາທິບໍດີເມັກຊີໂກໃຫ້ຄຳໝັ້ນສັນຍາຈະເພີ່ມທະວີການພົວພັນຮອບດ້ານກັບຫວຽດນາມ

ທີ່ການຕ້ອນຮັບທ່ານເອກອັກຄະລັດຖະທູດ ຫງວຽນຮວ່າຍເຢືອງ, ທ່ານປະທານາທິບໍດີ ເມັກຊີໂກ Enrique Pena Nieto ໄດ້ເນັ້ນໜັກເຖິງຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືລະຫວ່າງຫວຽດນາມ ແລະ ເມັກຊີໂກ - ສອງພື້ນຖານເສດຖະກິດເປີດ ແລະ ມີລັກສະນະເພີ່ມເຕີມເຊິ່ງກັນ ແລະກັນ. ທ່ານ Pena Nieto ຢືນຢັນຄືນໃໝ່ການພົວພັນສອງຝ່າຍທີ່ໄດ້ພັດທະນາຮອບດ້ານຢ່າງວ່ອງໄວ ແລະ ໃຫ້ຄຳໝັ້ນສັນຍາວ່າ ລັດຖະບານເມັກຊີໂກຈະສືບຕໍ່ເພີ່ມທະວີການພົວພັນຮອບດ້ານກັບຫວຽດນາມ, ພິເສດແມ່ນພາຍຫຼັງສອງປະເທດໄດ້ລົງນາມ ແລະ ໃຫ້ສັດຕະຍາບັນສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP).

ສ່ວນທ່ານ ຫງວຽນຮວ່າຍເຢືອງ, ໄດ້ໃຫ້ຄຳໝັ້ນສັນຍາວ່າ ຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນມິດຕະພາບ ແລະການຮ່ວມມືຫຼາຍດ້ານລະຫວ່າງຫວຽດນາມ - ເມັກຊີໂກ. ທ່ານເຊື່ອໝັ້ນວ່າ ການພົວພັນຮອບດ້ານລະຫວ່າງຫວຽດນາມ ແລະ ເມັກຊີໂກ ນັບມື້ນັບແທ້ຈິງ ແລະກ້າວເຂົ້າສູ່ລວງເລິກ, ເພື່ອນ້ຳໃຈມິດຕະພາບ, ການຮ່ວມມື ແລະ ວັດທະນາຖາວອນຂອງປະຊາຊົນສອງປະເທດ.