ປະທານປະເທດ ເຈີນດ້າຍກວາງ ເຂົ້າຮ່ວມ ກອງປະຊຸມຍ້ອງຍໍຊົມເຊີຍປະທານກຳມະບານຮາກຖານທີ່ດີເດັ່ນ

ທ່ານປະທານປະເທດຫວຽດນາມ ເຈີນດ້າຍກວາງ ກ່າວຄຳເຫັນທີ່ພິທີ

ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ ເຈີນດ້າຍກວາງ ໄດ້ຊີ້ແຈງວ່າ ປະທານກຳມະບານຮາກຖານ 70 ທ່ານ ແມ່ນບັນດາແບບຢ່າງທີ່ດີເດັ່ນ, ສະແດງໃຫ້ເຫັນຈິດໃຈຮັບຜິດຊອບ, ຄຸນນະທາດ, ພູມປັນຍາຂອງພະນັກງານກຳມະບານຫວຽດນາມ ຊຶ່ງໄດ້ ແລະ ພວມຮ່ວມເດີນທາງພ້ອມກັບຖັນແຖວກຳມະກອນ, ຊາວນາ, ປັນຍາຊົນ, ນັກທຸລະກິດ ແລະ ທົ່ວທັງຊາດ ສ້າງສາ ແລະ ປົກປັກຮັກສາປະເທດຊາດ. ທ່ານປະທານປະເທດຫວຽດນາມ ເຈີນດ້າຍກວາງ ກ່າວວ່າ :

“ ເອົາໃຈໃສ່ຄົ້ນພົບ, ບຳລຸງສ້າງພະນັກງານກຳມະບານຮາກຖານ, ເປັນຕົ້ນແມ່ນປະທານກຳມະບານຮາກຖານຢູ່ວິສາຫະກິດນອກລັດ ແລະ ວິສາຫະກິດທີ່ມີເງິນລົງທຶນຂອງຕ່າງປະເທດ. . ປ່ຽນແປງໃໝ່ທາງດ້ານເນື້ອໃນ, ແບບວິທີການບຳລຸງສ້າງ ພະນັກງານກຳມະບານ ນັບທັງຄວາມຮັບຮູ້ດ້ານການເມືອງ, ນະໂຍບາຍ, ກົດໝາຍ. ຕ້ອງເສີມຂະຫຍາຍຄວາມສາມາດປະດິດຄິດສ້າງ, ອັບເດັດ ແລະ ສ້າງເນື້ອໃນ, ຍົກສູງລະດັບຄວາມຮູ້ ຕອບສະໜອງຄວາມຮຽກຮ້ອງຕ້ອງການຕົວຈິງຂອງພະນັກງານກຳມະບານ ”