|
(ພາບ: THX/TTXVN) |
ເພື່ອແນໃສ່ເຊີດຊູບັນດາການອຸທິດສ່ວນຂອງທ່ານໃນການຕໍ່ສູ້ເພື່ອຄວາມຍຸຕິທຳ, ສັນຕິພາບ ແລະ ຄວາມໄກ່ເກ່ຍປອງດອງຊາດໃນໂລກ ແລະ ອາຟະລິກາໃຕ້. ທ່ານປະທານາທິບໍດີ Nelson Mandela ແມ່ນການນຳຜູ້ທຳອິດໃນໂລກທີ່ໄດ້ມີຄວາມເປັນກຽດຢ່າງໃຫຍ່ຫຼວງ ເມື່ອຮູບປັ້ນຂອງທ່ານໄດ້ຕັ້ງຢູ່ສຳນັກງານຂອງສະຫະປະຊາຊາດ.
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ສະຫະປະຊາຊາດ Antonio Guterres ຢືນຢັນວ່າ, ທ່ານປະທານາທິບໍດີ Nelson Mandela ແມ່ນຜູ້ຕາງໜ້າໃຫ້ບັນດາຄຸນຄ່າສູງທີ່ສຸດຂອງສະຫະປະຊາຊາດ, ໃນນັ້ນມີສັນຕິພາບ ແລະ ມີຈິດໃຈເອື້ອເຟື້ອເພື່ອແຜ່. ການຕໍ່ສູ້ຂອງທ່ານຕ້ານລັດທິຈຳແນກເຜົ່າພັນ apartheid ໄດ້ກາຍເປັນສັນຍາລັກໃຫ້ແກ່ສິດເສລີ ແລະ ສິດທິມະນຸດໃນທົ່ວໂລກ.
