ພິທີລົງນາມສົມທົບກັນຂົນຂວາຍການຜະລິດ, ດຳເນີນທຸລະກິດດ້ານຄວາມປອດໄພຂອງອາຫານ

ກ່າວຄຳເຫັນທີ່ພິທີລົງນາມ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ສະເໜີ ສະຫະພັນແມ່ຍິງຫວຽດນາມ, ສະມາຄົມຊາວກະສິກອນຫວຽດນາມ ເພີ່ມທະວີຂົນຂວາຍບັນດາສະມາຊິກປະຕິບັດການຜະລິດສະບຽງອາຫານ, ຜະລິດຕະພັນກະເສດປອດສານຜິດ ແຕ່ຊົນນະບົດຕະຫຼອດຮອດຕົວເມືອງຕາມບັນດາມາດຕະຖານທີ່ໄດ້ກຳນົດໄວ້. ພ້ອມກັນນັ້ນບັນດາສະມາຄົມຂັ້ນຕ່າງໆຍັງເພີ່ມທະວີໂຄສະນາ, ຂົນຂວາຍຕິດຕາມກວດກາ, ປະຕິເສດຜະລິດຕະພັນກະເສດ, ອາຫານປົນເປື້ອນ ເພື່ອໃຫ້ປະຊາຊົນທຸກຄົນພ້ອມກັນໄດ້ຮັບປະທານອາຫານປອດສານຜິດ, ມີແຫຼ່ງກຳເນີດຢ່າງຈະແຈ້ງ.