(ພາບ: Reuters)
ຜູ້ມີສິດເລືອກຕັ້ງ ອາເມລິກາ ກວ່າ 50 ລ້ານຄົນ, ເຊິ່ງເທົ່າກັບເກືອບ 30% ຈຳນວນຜູ້ມີສິດເລືອກຕັ້ງທັງໝົດທີ່ຈົດທະບຽນ, ໄດ້ໄປປ່ອນບັດເລືອກຕັ້ງກ່ອນກຳນົດເວລາ ເຖິງວ່າການເລືອກຕັ້ງກາງສະໄໝຍັງເຫຼືອອີກສາມວັນຈຶ່ງຈັດຂຶ້ນຢ່າງເປັນທາງການ.
ອີງຕາມຕົວເລກໂດຍມະຫາວິທະຍາໄລ Florida ລວບລວມ, ໄລ່ຮອດຕອນເຊົ້າວັນທີ 31 ຕຸລາ, ມີຊາວ ອາເມລິກາ ກວ່າ 50,5 ລ້ານຄົນໄດ້ໄປປ່ອນບັດ, ສູງກວ່າປະມານ 5 ລ້ານບັດເລືອກຕັ້ງເມື່ອທຽບໃສ່ຈຳນວນບັດທັງໝົດໃນການເລືອກຕັ້ງກາງສະໄໝປີ 2022. ທີ່ບັນດາລັດປະກາດຂໍ້ມູນຈົດທະບຽນພັກ, ຜູ້ມີສິດເລືອກຕັ້ງພັກປະຊາທິປະໄຕປະມານ 10,7 ລ້ານຄົນ ແລະ ຜູ້ມີສິດເລືອກຕັ້ງພັກສາທາລະນະປະມານ 7.8 ລ້ານຄົນໄດ້ເຂົ້າຮ່ວມການປ່ອນບັດ.
ຈຳນວນຜູ້ມີສິດເລືອກຕັ້ງເຂົ້າຮ່ວມການປ່ອນບັດກ່ອນກຳນົດເວລາ ດຳເນີນໄປໃນສະພາບທີ່ການແກ່ງແຍ້ງ ເພື່ອຄວບຄຸມສະພາສູງ ແລະ ສະພາຕ່ຳຂອງ ອາເມລິກາ ພວມກ້າວເຂົ້າສູ່ຊຸມມື້ຕັດສິນ.
