 ພາບປະກອບ: TTXVN |
ຄາດວ່າ ໃນປີ 2023, ພື້ນຖານເສດຖະກິດພາຍໃນປະເທດ ແລະ ນະຄອນໂຮ່ຈີມິນ ຈະສືບຕໍ່ປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍນາໆປະການ. ດັ່ງນັ້ນ, ເພື່ອປະຕິບັດໜ້າທີ່ດຶງດູດເງິນລົງທຶນໃນປີ 2023 ຢ່າງມີປະສິດທິຜົນ, ຄະນະຄຸ້ມຄອງເຂດປຸງແຕ່ງສົ່ງອອກ ແລະ ອຸດສາຫະກຳ ນະຄອນ ໄດ້ສຸມໃສ່ຫັນປ່ຽນໂຄງປະກອບການລົງທຶນໃນເຂດປຸງແຕ່ງສົ່ງອອກ ແລະ ເຂດອຸດສາຫະກຳ, ໃນນັ້ນ, ຍູ້ແຮງການດຶງດູດເງິນລົງທຶນເຂົ້າຂົງເຂດ, ຂະແໜງການທີ່ມີລັກສະນະ ວິທະຍາສາດ - ເຕັກໂນໂລຢີ, ມູນຄ່າເພີ່ມສູງ ອີງຕາມພື້ນຖານອຸດສາຫະກຳ ເຕັກໂນໂລຢີສູງ ແລະ ເສດຖະກິດດີຈີຕອນ, ເປັນຕົ້ນແມ່ນບັນດາຂົງເຂດກົນຈັກ ຕາມທິດຫັນເປັນອັດຕະໂນມັດ, ຂະແໜງເຕັກໂນໂລຢີຂໍ້ມູນຂ່າວສານນຳໃຊ້ປັນຍາປະດິດ. ພ້ອມທັງ ສຸມໃສ່ສ້າງກອງທຶນທີ່ດິນ ເພື່ອກຽມພ້ອມການດຶງດູດເງິນລົງທຶນ, ໜູນຊ່ວຍວິສາຫະກິດມີສະຖຽນລະພາບ, ພັດທະນາການຜະລິດ, ເອົາໃຈໃສ່ປົກປັກຮັກສາສິ່ງແວດລ້ອມແບບຍືນຍົງ.
