ຕອນເຊົ້າວັນທີ 20 ສິງຫາ, ຢູ່ຮ່າໂນ້ຍ, ກະຊວງຕຳຫຼວດ ຫວຽດນາມ ໄດ້ຈັດກອງປະຊຸມສະຫຼຸບວຽກງານອະໄພຍະໂທດ ແລະ ເຊື່ອມຕົວເຂົ້າກັບຊຸມຊົນສຳລັບນັກໂທດທີ່ໄດ້ຮັບການອະໄພຍະໂທດໃນປີ 2026. ທ່ານ ຟ້າມຢາຕຸກ ຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ, ປະທານສະພາຄຳປຶກສາກ່ຽວກັບການ ອະໄພຍະໂທດ ເຂົ້າຮ່ວມ ແລະ ຊີ້ນຳກອງປະຊຸມ.
ປີ 2026, ບັນດາອົງການທີ່ມີໜ້າທີ່ຮັບຜິດຊອບໄດ້ປະຕິບັດສຳເລັດເອກະສານຢ່າງຮີບດ່ວນ, ຈັດຕັ້ງການພິຈາລະນາຢ່າງເຂັ້ມງວດ, ເປີດເຜີຍ, ໂປ່ງໃສ, ຖືກກັບເປົ້າໝາຍ ແລະ ຂໍ້ກຳນົດ. ວັນທີ 1 ມິຖຸນາ 2026, ປະທານປະເທດ ຫວຽດນາມໄດ້ອອກຂໍ້ຕົກລົງອະໄພຍະໂທດໃຫ້ນັກໂທດ 9.950 ຄົນກັບເມືອຄອບຄົວ ແລະ ຊຸມຊົນ. ພ້ອມກັບວຽກງານອະໄພຍະໂທດ, ວຽກງານໜູນຊ່ວຍຜູ້ໄດ້ຮັບການອະໄພຍະໂທດ ເຊື່ອມຕົວເຂົ້າກັບຊຸມຊົນກໍ່ສືບຕໍ່ໄດ້ຮັບຄວາມເອົາໃຈໃສ່ເປັນພິເສດ. ກ່າວຄຳເຫັນຊີ້ນຳທີ່ກອງປະຊຸມ, ທ່ານຮອງນາຍົກລັດຖະມົນຕີ ຟ້າມຢາຕຸກ ເນັ້ນໜັກວ່າ ການປະຕິບັດ ລະບອບການ, ນະໂຍບາຍຢ່າງຄົບຖ້ວນ, ໄດ້ສ້າງເງື່ອນໄຂເພື່ອໃຫ້ນັກໂທດມີໂອກາດກ້າວໜ້າ, ມີການກະທຳທີ່ດີ.
ອົງການກັກຕົວ, ຄຸ້ມຄອງ, ສຶກສາ, ດັດສ້າງນັກໂທດ ປະຕິບັດລະບອບການ, ນະໂຍບາຍສຳລັບນັກໂທດໃຫ້ຖືກຕ້ອງ, ຄົບຖ້ວນຕາມຂໍ້ກຳນົດຂອງກົດໝາຍວ່າດ້ວຍການປະຕິບັດຄຳຕັດສິນຂອງສານອາຍາ, ສ້າງຄວາມສະເໝີພາບ, ກຳລັງໜູນໃຫ້ນັກໂທດໝົດທຸກຄົນລ້ວນແຕ່ມີໂອກາດ, ເງື່ອນໄຂຄືກັນເພື່ອຕັ້ງໜ້າອອກແຮງງານ, ປັບປຸງຕົວ, ມີການກະທຳທີ່ດີ, ມຸ່ງໄປເຖິງເປົ້າໝາຍປະຕິບັດຄຳຕັດສິນຈຳຄຸກຂອງສານໃຫ້ຄົບຕາມກຳນົດ, ໄດ້ຮັບການພິຈາລະນາຫຼຸດໂທດ, ອະໄພຍະໂທດສິ້ນສຸດການປະຕິບັດໂທດຈຳຄຸກກ່ອນເວລາກຳນົດ.
