ວັນທີ 19 ສິງຫາ, ທ່ານ Antonio Guterres ເລຂາທິການໃຫຍ່ ສປຊ ໄດ້ສະແດງຄວາມວິຕົກກັງວົນຢ່າງເລິກເຊິ່ງຕໍ່ເລື່ອງ ອາເມລິກາຈັດວາງບັນດາມາດຕະການລົງໂທດເຈົ້າໜ້າທີ່ຂັ້ນສູງສອງທ່ານຂອງ ສານອາຍາສາກົນ (ICC). ທ່ານ Stephane Dujarric ໂຄສົກຂອງເລຂາທິການໃຫຍ່ ສປຊ ໃຫ້ຮູ້ວ່າ ທ່ານ Antonio Guterres ມີຄວາມວິຕົກກັງວົນພິເສດຕໍ່ບັນດາມາດຕະການເລັ່ງໃສ່ທ່ານ ປະທານ Tomoko Akane ແລະ ທ່ານ Abdoulaye Seye ໄອຍະການພິພາກສາຂັ້ນສູງ, ກໍ່ຄືເລື່ອງອາເມລິກາ ສືບຕໍ່ໝູນໃຊ້ບັນດາມາດຕະການຄ້າຍຄືກັນ ເລັ່ງໃສ່ພະນັກງານອື່ນໆຂອງ ICC. ທ່ານ Stephane Dujarric ເນັ້ນໜັກວ່າ ສປຊ ແລະ ICC ແມ່ນສອງອົງການຕ່າງຫາກ ມີບົດບາດໜ້າທີ່ແຕກຕ່າງກັນ. ເຖິງຢ່າງໃດກໍຕາມ, ສປຊ ຖື ICC ແມ່ນເສົາຄ້ຳສຳຄັນຂອງລະບົບຍຸຕິທຳອາຍາສາກົນ ແລະ ທ່ານເລຂາທິການໃຫຍ່ ສປຊ Guterres “ມີຄວາມເຄົາລົບນັບຖືທີ່ສຸດຕໍ່ວຽກງານຂອງ ICC”
