 ເດັກໆໄປເອົານໍ້າຢູ່ ແຂວງ Hajjah,ເຢແມນ(ພາບ: THX/TTXVN) |
ທ່ານ Najat Maalla M’jid ຜູ້ຕາງໜ້າພິເສດຂອງທ່ານເລຂາທິການໃຫຍ່ ສປຊ ຮັບຜິດຊອບກ່ຽວກັບການໃຊ້ຄວາມຮຸນແຮງສຳລັບເດັກ ຖືວ່າ ໃນໄລຍະປະຕິບັດຄຳສັ່ງປິດລ້ອມ, ແຍກຕົວຢູ່ກັບເຮືອນ ແລະ ຢູ່ສະຖານທີ່ຕ່າງໆ ຍ້ອນໂລກລະບາດໂຄວິດ - 19, ເດັກນ້ອຍ ມີຄວາມສ່ຽງອາດຈະຖືກ ໃຊ້ຄວາມຮຸນແຮງ ແລະ ຖືກຂູດຮີດສູງກວ່າ, ກໍຄືບັນດາສິ່ງທ້າທາຍ ຕໍ່ສຸຂະພາບຈິດ ຂອງເດັກ. ດັ່ງນັ້ນ, ບັນດານັກຊ່ຽວຊານສິດທິມະນຸດ ຈຶ່ງຮຽກຮ້ອງໃຫ້ລັດຖະບານບັນດາປະເທດ ຮັບປະກັນບັນດາບໍລິການປົກປ້ອງເດັກ ໂດຍໄດ້ຮັບການຈັດແບ່ງບຸກຄະລາກອນ ແລະ ປະກອບອຸປະກອນເໝາະສົມ, ບັນດາອົງການປະຕິບັດກົດໝາຍ ຍາມໃດກໍ່ຕ້ອງກຽມພ້ອມ ແລະ ສາມາດສຳຜັດກັບເດັກໝົດທຸກຄົນ ຄືສ້າງໂທລະສັບສາຍດ່ວນຕະຫຼອດ 24 ຊົ່ວໂມງ, ບໍລິການສົ່ງຂໍ້ຄວາມໂດຍບໍ່ເສຍຄ່າ, ບໍລິການທາງໄກໃຫ້ຄຳປຶກສາທາງຈິດຕະສາດ ແລະ ສັງຄົມ, ຈັດບ່ອນພັກອາໄສຊົ່ວຄາວໃຫ້ແກ່ເດັກບໍ່ເຖິງກະສຽນອາຍຸ.
