 ທະຫານ ຢູແກຼນ ໃນການປະທະກັນກັບກຳລັງ ລັດເຊຍ ຢູ່ເຂດ Lugansk (ພາບ: AFP/TTXVN) |
ກ່າວຄຳເຫັນທີ່ກອງປະຊຸມ ທີ່ມີການເຂົ້າຮ່ວມຂອງຜູ້ຕາງໜ້າ 193 ປະເທດສະມາຊິກ ສປຊ, ທ່ານ Dennis Francis ປະທານສະມັດຊາໃຫຍ່ ສປຊ ໄດ້ສະແດງຄວາມວິຕົກກັງວົນຕໍ່ຜົນເສຍຫາຍ ແລະ ການທຳລາຍຢູ່ ຢູແກຼນ ພາຍຫຼັງເກີດການປະທະກັນມາເປັນເວລາ 2 ປີ. ທ່ານ Dennis Francis ກະຕຸກຊຸກຍູ້ປະຊາຄົມສາກົນ, ພິເສດແມ່ນສະພາຄວາມໝັ້ນຄົງ ສປຊ, ເພີ່ມທະວີຄວາມມານະພະຍາຍາມຂຶ້ນທົບ 2 ເທົ່າ ເພື່ອຢຸດຕິການປະທະກັນລະຫວ່າງ ລັດເຊຍ - ຢູແກຼນ.
ກໍໃນວັນທີ 23 ກຸມພາ, ສະພາຄວາມໝັ້ນຄົງ ສປຊ ກໍໄດ້ໂຮມປະຊຸມວາລະປະຊຸມພິເສດເພື່ອປຶກສາຫາລືກ່ຽວກັບການປະທະກັນລະຫວ່າງ ລັດເຊຍ - ຢູແກູນ ເຊັ່ນດຽວກັນ. ກ່າວຄຳເຫັນນະທີ່ນີ້, ທ່ານ Antonio Guterres ເລຂາທິການໃຫຍ່ ສປຊ ເນັ້ນໜັກວ່າ “ດຽວນີ້ແມ່ນຈຸດເວລາສ້າງຕັ້ງສັນຕິພາບ, ພື້ນຖານສັນຕິພາບທີ່ຍຸຕິທຳ ໂດຍອີງໃສ່ ກົດບັດ ສປຊ, ກົດໝາຍສາກົນ ແລະ ຂໍ້ຕົກລົງສະບັບຕ່າງໆຂອງສະມັດຊາໃຫຍ່ ສປຊ.”
