ໂດຍສືບຕໍ່ກອງປະຊຸມວິສາມັນຄັ້ງປະຖົມມະເລິກ, ຕອນເຊົ້າວັນທີ 6 ສິງຫາ, ບັນດາສະມາຊິກສະພາແຫ່ງຊາດຊຸດທີ XVI ໄດ້ປຶກສາຫາລືເປັນກຸ່ມກ່ຽວກັບການສ້າງນະຄອນກ໋ວາງນິງ, ນະຄອນບັກນິງ, ແຜນນະໂຍບາຍລົງທຶນໂຄງການລົງທຶນກໍ່ສ້າງເສັ້ນທາງອ້ອມຮອບຕົວເມືອງເລກ 5 - ເຂດນະຄອນຫຼວງຮ່າໂນ້ຍ; ການປັບປຸງແຜນນະໂຍບາຍລົງທຶນໂຄງການກໍ່ສ້າງເສັ້ນທາງລົດໄຟລາວກາຍ - ຮ່າໂນ້ຍ - ຫ໋າຍຝ່ອງ. ຢູ່ນອກກອງປະຊຸມ, ບັນດາສະມາຊິກຖືວ່າ ນີ້ແມ່ນນະໂຍບາຍຊີ້ຂາດສຳຄັນ, ແນໃສ່ສ້າງແລວນິຕິກຳເພື່ອຊຸກຍູ້ການເຊື່ອມຕໍ່ເຂດ, ເຊື່ອມຕໍ່ພາກພື້ນ, ຈາກນັ້ນກໍ່ປະກອບສ່ວນສຳຄັນເຂົ້າໃນການຫັນເປົ້າໝາຍການເຕີບໂຕສອງຕົວເລກໃຫ້ປະກົດຜົນເປັນຈິງ. ທ່ານ ຫງວຽນແມັ້ງຮຸ່ງ ສະມາຊິກສະພາແຫ່ງຊາດຄະນະ ເກິ່ນເທີ, ໃຫ້ຂໍ້ສັງເກດວ່າ:
ເລື່ອງພວກເຮົາມີນະຄອນໃໝ່ຕື່ມອີກ ແລະ ໄດ້ນຳໃຊ້ບັນດາກົນໄກນະໂຍບາຍພິເສດກ່ຽວກັບເສດຖະກິດ, ການເງິນ, ການວາງແຜນກຳນົດ, ທີ່ດິນ ຈະຊ່ວຍໃຫ້ບັນດານະຄອນໃໝ່ມີຂອບນິຕິກຳບຸກທະລຸເພື່ອອາດສາມາດພັດທະນາສູງກວ່າ. ດ້ວຍຂອບນິຕິກຳ ແລະ ລະບົບກົດໝາຍພວມໄດ້ຮັບການປັບປຸງຢ່າງໂປ່ງໃສຄືແນວນັ້ນ ການປະຕິບັດແມ່ນຂັ້ນຕອນທີ່ສຳຄັນ
ສ່ວນທ່ານນາງ ຫງວຽນທູຮ່າ, ສະມາຊິກສະພາແຫ່ງຊາດຄະນະແຂວງ ກ໋ວາງນິງ ຖືວ່າ ການເປີດກວ້າງ ແລະ ສ້້າງພື້ນຖານໂຄງລ່າວພິເສດ ຄືເສັ້ນທາງອ້ອມຮອບຕົວເມືອງເລກ 5 - ເຂດນະຄອນຫຼວງຮ່າໂນ້ຍ, ເຊື່ອມຕໍ່ 6 ແຂວງ, ນະຄອນກັບນະຄອນຫຼວງຮ່າໂນ້ຍຈະຊ່ວຍໃຫ້ກ໋ວາງນິງການພັດທະນາກວ່່າ, ຂົນສົ່ງສິນຄ້າມີຄວາມລຸລ່ວງສະດວກກວ່າ.
