ໃນສານສະບັບດັ່ງກ່າວ, ທ່ານ ເຈິ່ນແທັງເໝິນ ຢັ້ງຢືນວ່າ Vesak ແມ່ນ ໂອກາດ, ແມ່ນຂົວເຊື່ອມຕໍ່ມິດຕະພາບ ຊ່ວຍໃຫ້ທຸກຄົນເຂົ້າໃຈກ່ຽວກັບບັນດາຄຸນຄ່າອັນດີງາມຂອງ ພຸດທະສາສະໜາ. ໃນສະພາບການປັດຈຸບັນ, ເລື່ອງປະຕິບັດຄໍາສັ່ງສອນຂອງພະພຸດທະເຈົ້າ ແມ່ນໜຶ່ງໃນບັນດາເສັ້ນທາງ ຊ່ວຍສັງຄົມແກ້ໄຂບັນດາບັນຫາທີ່ກ່າວມາຂ້າງເທິງ ແລະ ປະກອບສ່ວນທະວີຄູນຄຸນຄ່າອັນດີງາມຂອງມວນມະນຸດ ເພື່ອໂລກແຫ່ງສັນຕິພາບ ແລະ ກ້າວໜ້າ.
ທ່ານ ເຈິ່ນແທັງເໝິນ ອວຍພອນ ໃຫ້ ວັນບຸນວິສາຂະບູຊາ Vesak ຄັ້ງທີ 16 ປະສົບຜົນສໍາເລັດຢ່າງຈົບງາມ; ພ້ອມທັງຫວັງວ່າ ບັນດາຄຸນຄ່າອັນດີງາມໃນຄໍາສັ່ງສອນຂອງພະພຸດທະເຈ້ົ້າ ນັ້ນ ຈະໄດ້ຮັບການອະນຸລັກຮັກສາ, ສືບທອດ ແລະ ແຜ່ຂະຫຍາຍໃນຊີວິດປະຈໍາວັນ ຜ່ານຫຼາຍຮູບການ, ປະກົດການທີ່ມີຊີວິດຊີວາ, ສະແດງໃຫ້ເຫັນເນື້ອໃນຈິດໃຈຂອງວັນບຸນວິສາຂະບູຊາ ສປຊ ປີນີ້.
