ຕອນຄ່ຳວັນທີ 12 ສິງຫາ, ໃນຂອບເຂດການຢ້ຽມຢາມທາງລັດຖະກິດຢູ່ນິວຊີແລັນ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດຫວຽດນາມ ໄດ້ພົບປະກັບປະຊາຄົມຊາວຫວຽດນາມ ອາໄສຢູ່ນິວຊີແລັນ ແລະ ບັນດາປະເທດເກາະຢູ່ປາຊີຟິກໃຕ້. ທີ່ການພົບປະ, ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ແຈ້ງໃຫ້ຊາບກ່ຽວກັບສະພາບການພາຍໃນປະເທດ, ໃນນັ້ນໃຫ້ຮູ້ວ່າ ຫວຽດນາມວາງເປົ້າໝາຍກາຍເປັນປະເທດພັດທະນາໃນປີ 2045. ໂດຍເຊື່ອໝັ້ນຕໍ່ເປົ້າໝາຍນຳຫວຽດນາມ ກາຍເປັນປະເທດພັດທະນາໃນປີ 2045, ເອື້ອຍ ຫງວຽນລາມຢາງ, ຫົວໜ້າໜ່ວຍງານການພົວພັນຕ່າງປະເທດພາກພື້ນອາຊີຕາເວັນອອກສ່ຽງໃຕ້ ແລະ ອາຊີຕາເວັນອອກສ່ຽງເໜືອຂອງ ມະຫາວິທະຍາໄລ Waikato New Zealand ທັງເປັນປະທານຂອງເຄືອຂ່າຍປັນຍາຊົນ ຫວຽດນາມ ຢູ່ນິວຊີແລັນ ໃຫ້ຮູ້ວ່າ:
ຂ້າພະເຈົ້າຫວັງວ່າພາຍຫລັງການຢ້ຽມຢາມຄັ້ງນີ້, ບັນດາໂອກາດຮ່ວມມືໃນຂົງເຂດການສຶກສາ, ການຄົ້ນຄ້ວານະວັດຕະກຳຈະໄດ້ອຳນວຍຄວາມສະດວກເພື່ອອາດສາມາດພັດທະນາຫຼາຍກວ່າ ແລະ ສ້າງໂອກາດເພື່ອບັນດາປັນຍາຊົນໜຸ່ມຫວຽດນາມ ທີ່ພວມດຳລົງຊີວິດ ແລະ ຮ່ຳຮຽນຢູ່ນິວຊີແລັນ ມີໂອກາດຕື່ມອີກ.
