|
(ພາບ: TTXVN) |
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ ທ່ານມີຄວາມເອົາໃຈໃສ່ທີ່ສຸດເຖິງການພັດທະນາຂອງຂະແໜງຕ່ຳແຜ່ນຕັດຫຍິບທີ່ພວມປະກອບສ່ວນສຳຄັນເຂົ້າໃນການພັດທະນາຂອງປະເທດຊາດ. ທ່ານນາຍົກລັດຖະມົນຕີ ກໍ່ໄດ້ຕີລາຄາສູງເລື່ອງສະມາຄົມຕ່ຳແຜ່ນຕັດຫຍິບຫວຽດນາມ ໄດ້ປະຕິບັດພາລະ, ໜ້າທີ່ຂອງຕົນໄດ້ເປັນຢ່າງດີ, ເປັນຂົວເຊື່ອມຕໍ່ລະຫວ່າງລັດຖະບານ ກັບວິສາຫະກິດ, ຕັ້ງໜ້າ ແລະ ເປັນເຈົ້າການເສນາທິການດ້ານນະໂຍບາຍ, ໂດຍສະເພາະແມ່ນໃນການເຈລະຈາບັນດາສັນຍາການຄ້າເສລີ.
ໃນສະພາບການປະຕິວັດອຸດສາຫະກຳຄັ້ງທີ 4, ທ່ານນາຍົກລັດຖະມົນຕີ ໄດ້ໃສ່ໃຈວ່າຂະແໜງ ຄວນນຳໃຊ້ບັນດາທ່າແຮງ ແລະ ກາລະໂອກາດ. ພິເສດ, ຂະແໜງຕ້ອງສ້າງເຄື່ອງໝາຍການຄ້າວິສາຫະກິດ ແລະ ຜະລິດຕະພັນຢູ່ພາກພື້ນ ແລະ ໃນໂລກ, ນຳມາເຊິ່ງຜົນປະໂຫຍດຢ່າງຍາວນານ.
