ວັນທີ 12 ສິງຫາ, ສະຫະປະຊາຊາດກ່າວເຕືອນວ່າ ເຫດບຸກໂຈມຕີແນໃສ່ກຳປັ່ນລຳໜຶ່ງຢູ່ນອກຝັ່ງທະເລໃກ້ກັບທາງທິດໃຕ້ ເຢແມັນ ມີຄວາມສ່ຽງເຮັດໃຫ້ເກີດສະພາບຂາດຄວາມໝັ້ນຄົງໃນການເດີນທະເລຢູ່ທະເລແດງຄືນອີກ ແລະ ເພີ່ມຄວາມຄາດສະຖຽນລະພາບຕໍ່ລະບົບສະໜອງທົ່ວໂລກ.
ສະຫະປະຊາຊາດກ່າວເຕືອນວ່າ ເຫດການໄດ້ສ້າງຄວາມວິຕົກກັງວົນຢ່າງເລິກເຊິ່ງກ່ຽວກັບຄວາມປອດໄພຂອງລູກເຮືອ ແລະ ການເຄື່ອນໄຫວຂອງບັນດາເສັ້ນທາງຂົນສົ່ງທາງທະເລທີ່ໄປຜ່ານທະເລແດງ, ຊ່ອງແຄບທະເລ Bab al-Mandab ແລະ ຄອງເໝືອງ Suez. ນີ້ແມ່ນແລວຂົນສົ່ງທາງທະເລຍຸດທະສາດ, ເຊື່ອມຕໍ່ ອາຊີ ກັບ ເອີລົບ ແລະ ສວມບົດບາດສຳຄັນພິເສດຕໍ່ການຂົນສົ່ງຕູ້ຄອນແທນເນີ, ພະລັງງານ, ວັດຖຸດິບ ແລະ ສິນຄ້າທີ່ຈຳນເປັນຫຼາຍປະເພດໃນຂອບເຂດທົ່ວໂລກ.
