(ພາບ: REUTERS/Willy Kurniawan)
ຈຳນວນຜູ້ເສຍຊີວິດໃນເຫດແຜ່ນດິນໄຫວທີ່ມີຄວາມແຮງ 7,7 ຣິກເຕີ ເກີດຂຶ້ນໃນວັນທີ 15 ສິງຫາ, ຢູ່ນອກຝັ່ງທະເລເກາະ Flores, ທາງທິດຕາເວັນອອກ ອິນໂດເນເຊຍ, ໄດ້ເພີ່ມຂຶ້ນເປັນ 68 ຄົນ, ໃນຂະນະນັ້ນ ກຳລັງກູ້ໄພກູ້ຊີບຍັງສືບຕໍ່ກວດກາຄືນບັນດາເຂດຖືກຜົນສະທ້ອນ ແລະ ມີປະຊາຊົນນັບໝື່ນຄົນຍັງບໍ່ສາມາດກັບເມືອບ້ານຍ້ອນມີຄວາມວິຕົກກັງວົນຈະເກີດສະພາບສັ່ນສະເທືອນອີກ. ເຈົ້າໜ້າທີ່ໄດ້ແຈ້ງວ່າ ຮອດວັນທີ 17 ສິງຫາ, ຍັງບໍ່ທັນມີຂໍ້ມູນກໍລະນີຜູ້ຫາຍສາບສູນຕື່ມອີກ, ແຕ່ບັນດາທິມກູ້ໄພກູ້ຊີບຍັງສືບຕໍ່ຜັນຂະຫຍາຍການເຄື່ອນໄຫວຢູ່ເຂດຖືກຜົນສະທ້ອນເພື່ອຊອກຫາຜູ້ປະສົບເຄາະຮ້າຍທີ່ອາດຈະຍັງຖືກຕິດຄ້າງ.
(ພາບ: REUTERS/Sergio Acero)
ສ່ວນຢູ່ ໂກລົມເບຍ, ຄົບ 1 ອາທິດພາຍຫຼັງເກີດເຫດແຜ່ນດິນໄຫວທີ່ມີຄວາມແຮງ 7,4 ຣິກເຕີ, ບົດລາຍງານອັບເດດຫຼ້າສຸດໃຫ້ຮູ້ວ່າ ຈຳນວນຜູ້ເສຍຊີວິດໄດ້ຂຶ້ນເຖິງ 289 ຄົນ, ໃນຂະນະທີ່ກຳລັງທີ່ມີໜ້າທີ່ຍັງແຂ່ງກັບເວລາເພື່ອຊອກຫາຜູ້ຫາຍສາບສູນ 143 ຄົນ. ເຫດແຜ່ນດິນໄຫວຮ້າຍແຮງທີ່ສຸດໃນສະຕະວັດທີ 21 ທີ່ເກີດຂຶ້ນຢູ່ປະເທດນີ້ ກໍ່ເຮັດໃຫ້ມີ 4.200 ຄົນຖືກບາດເຈັບ ແລະ ເຮັດໃຫ້ການດຳລົງຊີວິດຂອງກວ່າ 120.000 ຄອບຄົວຖືກສັບສົນປົນເປ.
ປະຈຸບັນ, ປະຊາຄົມສາກົນໄດ້ຍູ້ແຮງບັນດາຄວາມມານະພະຍາຍາມໜູນຊ່ວຍຢ່າງວ່ອງໄວ.
