 ກອງປະຊຸມຂອງ ສະພາຄວາມໝັ້ນຄົງ ສະຫະປະຊາຊາດ ຢູ່ນິວຢອກ ອາເມລິກາ ໃນວັນທີ 2/8. ( ພາບ: THX/TTXVN) |
ໃນຖະແຫຼງການ, ບັນດາສະມາຊິກຂອງສະພາຄວາມໝັ້ນຄົງ ສະຫະປະຊາຊາດ ໄດ້ຢືນຢັນຄືນໃໝ່ວ່າ ການກໍ່ການຮ້າຍພາຍໃຕ້ທຸກຮູບການ ແມ່ນໜຶ່ງໃນບັນດາໄພນາບຂູ່ຢ່າງຮ້າຍແຮງທີ່ສຸດຕໍໍ່ສັນຕິພາບ ແລະ ຄວາມໝັ້ນຄົງສາກົນ. ບັນດາສະມາຊິກເນັ້ນໜັກເຖິງເລື່ອງ ຕ້ອງບັງຄັບພວກປະຕິບັດ, ພວກຈັດຕັ້ງ ແລະ ພວກໜູນຫຼັງບັນດາການບຸກໂຈມຕີ ຕ້ອງຮັບຜິດຊອບກ່ຽວກັບການກະທຳກໍ່ການຮ້າຍຂອງມັນ ແລະ ຖືກລົງໂທດ. ຖະແຫຼງການກະຕຸກຊຸກຍູ້ບັນດາປະເທດຕັ້ງໜ້າຮ່ວມມືກັບລັດຖະບານ ອາບການິດສະຖານ ເພື່ອຕ້ານການກໍ່ການຮ້າຍ, ໃນຂອບເຂດພັນທະຂອງເຂົາເຈົ້າຕາມກົດໝາຍສາກົນ ແລະ ບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສະຫະປະຊາຊາດ.
