|
ແຫ່ງວັນຫວຽດນາມເຂົ້າເປັນສະມາຊິກອາຊຽນ (ພາບ: TTXVN) |
ສະຖານທູດຫວຽດນາມ ປະຈຳເມັກຊີໂກ ໄດ້ຈັດການພົບປະກັບບັນດາເອກເອັກຄະລັດຖະທູດ, ອຸປະທູດບັນດາປະເທດອາຊຽນ ປະຈຳເມັກຊີໂກ ລວມມີ: ມາເລເຊຍ, ອິນໂດເນເຊຍ, ຟິລິບປິນ, ໄທ ແລະ ຫວຽດນາມ, ພ້ອມກັບຜູ້ຕາງໜ້າກະຊວງການຕ່າງປະເທດເມັກຊີໂກ.
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດຫວຽດນາມ ປະຈຳເມັກຊີໂກ ຫງວຽນຮ່ວາຍເຢືອງ ຢືນຢັນວ່າ, ກວ່າ 2 ທົດສະວັດຜ່ານມາ, ຫວຽດນາມ ໄດ້ເຂົ້າຮ່ວມ, ປະກອບສ່ວນຕັ້ງໜ້າຫຼາຍຢ່າງເຂົ້າໃນການເຄື່ອນໄຫວ, ຊຸກຍູ້ການເປີດກວ້າງອາຊຽນ. ທ່ານເອກອັກຄະລັດຖະທູດເນັ້ນໜັກວ່າ, ຫວຽດນາມ ພວມຕັ້ງໜ້າ ພ້ອມກັນບັນດາປະເທດສະມາຊິກອາຊຽນ ເຂົ້າຮ່ວມການສ້າງວິໄສທັດປະຊາຄົມອາຊຽນ, ດ້ວຍເປົ້າໝາຍເຮັດໃຫ້ການເຊື່ອມຕໍ່ອາຊຽນ ໃຫ້ເລິກເຊິ່ງ, ກວ້າງຂວາງກວ່າ ບົນເສັ້ນທາງເຊື່ອມໂຍງ ແລະ ເຈລະຈາ.
ສ່ວນບັນດາເອກອັກຄະລັດຖະທູດ, ອຸປະທູດຂອງ ມາເລເຊຍ, ອິນໂດເນເຊຍ, ຟິລິບປິນ, ໄທ ປາດຖະໜາວ່າ, ຫວຽດນາມ ຈະສືບຕໍ່ມານະພະຍາຍາມພ້ອມກັບບັນດາປະເທດສະມາຊິກໃນການສ້າງຊາຍຄາລວມອາຊຽນ ໃຫ້ມີສັນຕິພາບ ແລະ ວັດທະນາຖາວອນ.
