ຕອນເຊົ້າວັນທີ 28 ຕຸລາ, ຢູ່ນະຄອນ ກ໋ວາງນິງ, ກະຊວງວິທະຍາສາດ ແລະ ເຕັກໂນໂລຢີໄຂສັບປະດາດີຈີຕອນສາກົນ ຫວຽດນາມ 2026 (VIDW 2026) ແລະ ກອງປະຊຸມໂຕະມົນລັດຖະມົນຕີດີຈີຕອນ ແລະ ປັນຍາປະດິດ (AI), ເຫດການດຶງດູດການເຂົ້າຮ່ວມຂອງຜູ້ແທນພາຍໃນປະເທດ ແລະ ສາກົນປະມານ 500 ທ່ານທີ່ມາຈາກເກືອບ 30 ປະເທດ. ກ່າວຄຳເຫັນໄຂພິທີ, ທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຢີ ຫວູຫ໋າຍກວນ ໃຫ້ຮູ້ວ່າ ຫົວຂໍ້ “ພັດທະນາການເຊື່ອມຕໍ່ແບບອັດສະລິຍະ, ຄຸ້ມຄອງ AI, ສ້າງສັນການຫັນເປັນ AI” ສ່ອງແສງສາມບຸລິມະສິດທີ່ມີການເຊື່ອມຕໍ່ ນຳກັນ ຢ່າງແໜ້ນແຟ້ນ. ການເຊື່ອມຕໍ່ອັດສະລິຍະແມ່ນ ພື້ນຖານ, ຄຸ້ມຄອງທີ່ດີ ສ້າງຄວາມໄວ້ເນື້ອເຊື່ອໃຈ, ການຫັນເປັນ AI ນຳມາເຊິ່ງໝາກຜົນຢ່າງແທ້ຈິງ, ໂດຍໄດ້ວັດແທກດ້ວຍຄຸນນະພາບການບໍລິການສາທາລະນະທີ່ດີກວ່າ, ສະມັດຕະພາບດີກວ່າ, ວິທະຍາສາດຢ່າງໝັ້ນຄົງກວ່າ ແລະ ປັບປຸງຄຸນນະພາບການດຳລົງຊີວິດໃຫ້ດີກວ່າ.
