ຕາມຂ່າວຈາກກະຊວງວິທະຍາສາດ ແລະ ເຕັກໂນໂລຊີ ຫວຽດນາມ, ສັບປະດາດີຈີຕອນສາກົນ ຫວຽດນາມ 2026 (Vietnam International Digital Week - VIDW 2026) ຈະຈັດຂຶ້ນແຕ່ວັນທີ 28-30 ຕຸລາ ຢູ່ ກວາງນິງ. ເຫດການຈະເຕົ້າໂຮມຜູ້ແທນ 500 ທ່ານຢູ່ພາຍໃນ ແລະ ຕ່າງປະເທດ, ໂດຍຈະສຸມໃສ່ປຶກສາຫາລືການຄຸ້ມຄອງປັນຍາປະດິດ (AI), ພັດທະນາເຕັກໂນໂລຊີຍຸດທະສາດ ແລະ ເປີດກ້ວາງການຮ່ວມມືດ້ານເຕັກໂນໂລຊີ.
ດ້ວຍຫົວຂໍ້ “ເຊື່ອມຕໍ່ອັດສະລີຍະ: ການຄຸ້ມຄອງ AI, ສ້າງການຫັນປ່ຽນ AI”, ສັບປະດາດີຈີຕອນສາກົນ ຫວຽດນາມ 2026 ໂດຍກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ເປັນປະທານ ໄດ້ປະກອບສ່ວນເພີ່ມທະວີການໂອ້ລົມສົນທະນານະໂຍບາຍ, ເປີດກ້ວາງການຮ່ວມມືສາກົນດ້ານວິທະຍາສາດ; ຊຸກຍູ້ການຄົ້ນຄ້ວາ, ພັດທະນາ, ການຖ່ອຍທອດ ແລະ ຫັນເຕັກໂນໂລຊີເປັນການຄ້າ, ສຸມໃສ່ບັນດາເຕັກໂນໂລຊີຍຸດທະສາດ ແລະ ເຕັກໂນໂລຊີຫາກໍ່ພົ້ນເດັ່ນຂຶ້ນ. ລາຍການ ສັບປະດາດີຈີຕອນສາກົນ ຫວຽດນາມ 2026 ລວມມີ 3 ກຸ່ມເຄື່ອນໄຫວຕົ້ນຕໍຄື: ເວທີປາໄສຂັ້ນສູງກ່ຽວກັບເຕັກໂນໂລຊີຍຸດທະສາດ; ບັນດາເວທີປາໄສ, ກອງປະຊຸມ, ກອງປະຊຸມສຳມະນາຮ່ວມມື ແລະ ເຊື່ອມຕໍ່ກັບສາກົນ; ງານວາງສະແດງ, ແນະນຳຜະລິດຕະພັນເຕັກໂນໂລຊີພົ້ນເດັ່ນ.
