|
(ພາບປະກອບ: Yonhap/TTXVN) |
ນີ້ແມ່ນການເຈລະຈາຄັ້ງທຳອິດໃນຮອບເວລາ 2 ປີຜ່ານມາ ແລະ ຫວັງວ່າຈະແມ່ນກາລະໂອກາດເພື່ອປັບປຸງການພົວພັນລະຫວ່າງ 2 ພາກ ເກົາຫຼີ.
ກ່ອນການເຈລະຈາ, ທ່ານລັດຖະມົນຕີກະຊວງທ້ອນໂຮມປະເທດຊາດສ.ເກົາຫຼີ Cho Myoung gyon, ຫົວໜ້າຄະນະເຈລະຈາສ.ເກົາຫຼີ ໃຫ້ຮູ້ວ່າ, 2 ຝ່າຍຈະສຸມໃສ່ປຶກສາຫາລືເລື່ອງສປປ.ເກົາຫຼີ ເຂົ້າຮ່ວມ Olympic ລະດູໜາວ Pyeong Chang 2018. ທ່ານລັດຖະມົນຕີ Cho Myoung gyon ເນັ້ນໜັກວ່າ, ທ່ານຈະມານະພະຍາຍາມເພື່ອເຮັດໃຫ້ Olympic Pyeong Chang 2018 ເປັນງານບຸນແຫ່ງສັນຕິພາບ ແລະ ກາຍເປັນບາດກ້າວທຳອິດເພື່ອມຸ່ງໄປເຖິງການປັບປຸງການພົວພັນລະຫວ່າງ ສ.ເກົາຫຼີ ແລະ ສປປ.ເກົາຫຼີ. ນອກນັ້ນ, 2 ຝ່າຍກໍ່ປຶກສາຫລືບັນດາມາດຕະການແກ້ໄຂເພື່ອແນໃສ່ປັບປຸງການພົວພັນລະຫວ່າງ 2 ພາກເກົາຫຼີ ຖືກຕົກຢູ່ໃນສະພາບຢຸດສະງັກເປັນເວລາຫຼາຍປີ.
