ສ.ເກົາຫຼີຮຽກຮ້ອງສາກົນສົມທົບກັນແກ້ໄຂຄວາມເຄັ່ງຕຶງໃນແຫຼມເກົາຫຼີ

ພ້ອມທັງເນັ້ນໜັກເຖິງຄວາມສຳຄັນຂອງການປະຕິບັດບັນດາມາດຕະການລົງໂທດຂອງສະພາຄວາມໝັ້ນຄົງສະຫະປະຊາຊາດ ເພື່ອແນໃສ່ນຳພຽງຢາງ ກັບຄືນສູ່ໂຕະເຈລະຈາ. ຄຳຮຽກຮ້ອງຖືກຍົກອອກມາໃນການພົບປະລະຫວ່າງທ່ານປະທານາທິບໍດີ Moon Jea in ແລະ ທ່ານເລຂາທິການໃຫຍ່ສະຫະປະຊາຊາດ Antonio Guterres ເຊິ່ງດຳເນີນໃນວັນດຽວກັນຢູ່ນິວຢອກ. ກໍ່ທີ່ການພົບປະຄັ້ງນີ້, ທ່ານປະທານາທິບໍດີສ.ເກົາຫຼີ ໄດ້ຮຽກຮ້ອງທ່ານເລຂາທິການໃຫຍ່ສະຫະປະຊາຊາດ Guterres ຊ່ວຍແກ້ໄຂບັນຫານິວເຄຼຍ ຂອງສປປ.ເກົາຫຼີ ຢ່າງເປັນລະບົບ, ເຖິງຖອງ ແລະ ຮັບປະກັນສັນຕິພາບ, ສະຖຽນລະພາບໃຫ້ແກ່ພາກພື້ນ.

ແລະກໍ່ໃນວັນດຽວກັນ, ທ່ານລັດຖະມົນຕີການຕ່າງປະເທດຍີ່ປຸ່ນ Taro Kono ແລະ ຄູ່ຮ່ວມຕຳແໜ່ງລັດເຊຍ Sergei Lavrov ໄດ້ເປັນເອກະພາບນຳກັນວ່າ 2 ປະເທດຈະສືບຕໍ່ຮ່ວມມືເພື່ອແກ້ໄຂຄວາມເຄັ່ງຕຶງໃນແຫຼມເກົາຫຼີ, ພິເສດແມ່ນໃນຂອບເຂດສະພາຄວາມໝັ້ນຄົງສະຫະປະຊາຊາດ.