 ການຊ້ອມຮົບ ລະຫວ່າງ ອາເມລິກາ - ສ.ເກົາຫຼີ ເມື່ອປີ 2017 (ພາບ: EPA/TTXVN) |
ນີ້ແມ່ນປະຕິກິລິຍາທຳອິດຂອງ ສປປ.ເກົາຫຼີ ພາຍຫຼັງກອງປະຊຸມສຸດຍອດ ສ.ເກົາຫຼີ - ອາເມລິກາ ເຊິ່ງຖືກຈັດຂຶ້ນໃນວັນທີ 21 ພຶດສະພາ, ເມື່ອ ປະທານາທິບໍດີ ສ.ເກົາຫຼີ Moon Jae – in ແລະ ທ່ານປະທານາທິບໍດີ ອາເມລິກາ Joe Biden ໄດ້ເຫັນດີນຳໃຊ້ວິທີທາງການທູດເພື່ອແກ້ໄຂບັນຫາຈົນຕາແຈກັບ ສປປ.ເກົາຫຼີ, ພ້ອມທັງຢຸດຕິທຸກຂໍ້ຈຳກັດກ່ຽວກັບລະດັບການບິນ ແລະ ປະລິມານຫົວລູກສອນໄຟຂອງ ສ.ເກົາຫຼີ. ເຖິງຢ່າງໃດກໍຕາມ, ຄຳຕຳໜິຕິຕຽນຂອງ ສປປ.ເກົາຫຼີ ເບິ່ງຄືວ່າມີຄວາມລະງັບໃຈ ເມື່ອໄດ້ຍົກອອກມາໃນບົດຂຽນຂອງນັກວິຈານບັນດາບັນຫາສາກົນ ໂດຍ ສຳນັກຂ່າວສານ ສູນກາງ ສປປ.ເກົາຫຼີ (KCNA) ເອົາລົງ ແທນທີ່ການຖະແຫຼງຢ່າງເປັນທາງການຂອງອຳນາດການປົກຄອງ. ບົດຂຽນໄດ້ກ່າວປະນາມ ເລື່ອງ ອາເມລິກາມອບສິດໃຫ້ແກ່ບັນດາປະເທດພັນທະມິດຂະຫຍາຍລູກສອນໄຟໂດຍບໍ່ມີຂອບເຂດ ໃນຂະນະທີ່ຖືບັນດາມາດຕະການ ເຊິ່ງ ສປປ.ເກົາຫຼີ ປະຕິບັດເພື່ອປ້ອງກັນຕົວ ແມ່ນລະເມີດມະຕິຕ່າງໆຂອງ ສປຊ.
